Maktaba Wahhabi

رجال القرآن 6

مؤلف: ڈاکٹر عبد الرحمٰن عمیرہ

ناشر: دار السلام

108
ہاں روانہ کیا۔ یہ سفارتی وفد دو نہایت زیرک اور ہوشیار سرداروں پر مشتمل تھا۔ ایک عبداللہ بن ابی ربیعہ اور دوسرے عمرو بن عاص۔ یہ دونوں حبشہ پہنچے۔ سب سے پہلے وہاں کے تمام بڑے پادریوں سے ملے۔ اُنھیں قیمتی تحفے پیش کیے۔ پادریوں نے جب اُن سے اس امر پر اتفاق کر لیا کہ وہ شاہ حبشہ کو مسلمانوں کے نکال دینے کا مشورہ دیں گے تو وہ دونوں نجاشی کی خدمت میں حاضر ہوئے اورتحفے تحائف پیش کرکے اپنا مدعا یوں عرض کیا: ’’بادشاہ سلامت ! ہمارے کچھ نا سمجھ نوجوان بھاگ کر آپ کے ملک میں آگئے ہیں۔ انھوں نے اپنی قوم کا دین چھوڑ دیا ہے لیکن وہ آپ کے دین میں بھی داخل نہیں ہوئے بلکہ ایک نیا دین ایجاد کیا ہے جسے نہ ہم جانتے ہیں نہ آپ۔ اُن کے والدین، چچا اورکنبے قبیلے کے عمائدین نے ہمیں آپ کی خدمت میں بھیجا ہے کہ آپ اُنھیں ان کے ہاں واپس بھیج دیجیے کیونکہ وہ لوگ اِن افراد کے معاملات پر گہری نظررکھتے ہیں اور اُن کے نزدیک ان افراد میں جو خامیاں پائی جاتی ہیں، انہیں وہ اچھی طرح سمجھتے ہیں۔ ‘‘ اس پرپادریوں نے بھی بادشاہ سے گزارش کی کہ بادشاہ سلامت! یہ دو نوں ٹھیک ہی کہہ رہے ہیں۔ ان نوجوانوں کو اِن کے حوالے کر دیجیے۔ یہ اُنھیں اُن کی قوم اور ان کے ملک میں واپس پہنچا دیں گے۔ نجاشی نے سوچا کہ یہ قضیہ معمولی معلوم نہیں ہوتا، اس لیے اِسے گہرائی سے جانچنا اور اس کے تمام پہلوؤں کا سراغ لگانا بے حد ضروری ہے۔ چنانچہ اُس نے مسلمانوں کو بلا بھیجا۔ مسلمان یہ تہیہ کرکے شاہِ حبش کے دربار میں گئے کہ ہم سچ ہی بولیں گے، نتیجہ
x
صفحہعنوان
7عرضِ مؤلف
31پہلی آیت مبارکہ
32حضرت ابو لبابہ بن عبدالمنذر رضی اللہ عنہ
43اختتامیہ
45دوسری آیتِ مبارکہ
47حضرت حاطب بن ابی بلتعہ رضی اللہ عنہ
57تیسرے باب کی آیات مبارکہ
59حضرت ابنِ امّ مکتوم رضی اللہ عنہ
64چوتھے باب کی آیاتِ مبارکہ
66حضرت ابو سفیان بن حرب رضی اللہ عنہ
84اختتامیہ
86پانچویں باب کی آیت مبارکہ
88حضرت کعب بن مالک رضی اللہ عنہ
101چھٹے باب کی آیات مقدسہ
103نجاشی رحمہ اللہ
116اختتامیہ
118آٹھویں باب کی آیت مبارکہ
119حضرت عبداللہ بن سلام رضی اللہ عنہ
122اختتامیہ
125نویں باب کی آیت مقدسہ
127حضرت زید بن حارثہ رضی اللہ عنہ
132ابتدا میں درج کردہ آیت کی شان نزول:
135اختتامیہ
Flag Counter