Maktaba Wahhabi

رجال القرآن 6

مؤلف: ڈاکٹر عبد الرحمٰن عمیرہ

ناشر: دار السلام

132
میں دعوت دین کا آغاز کیا تو آزاد کردہ غلاموں میں سب سے پہلے حضرت زید رضی اللہ عنہ ایمان لائے۔‘‘ [1] حضور نبی کریم صلی اللہ علیہ وسلم نے حضرت زید رضی اللہ عنہ کی شادی حضرت زینب بنت جحش رضی اللہ عنہا سے کردی تھی۔ تاہم ان دونوںمیں نباہ نہ ہوسکا۔ سال بھر کے بعد ہی حضرت زید رضی اللہ عنہ نے انھیں طلاق دے ڈالی۔ حضرت زید بن حارثہ رضی اللہ عنہ نے کئی ایک فوجی مہمات میں شرکت کی جن میں وہ سپہ سالار بنا کر بھیجے جاتے تھے۔ غزوۂ موتہ کے موقع پر بھی رسول اللہ صلی اللہ علیہ وسلم نے انھیں سپہ سالار بنا کر روانہ فرمایا اور مسلمانوں کو تاکید فرمائی کہ زید بن حارثہ سے وابستہ رہنا۔ وہ کام آجائیں تو جعفر کو امیر بنا لینا۔ جعفر بھی کام آجائیں تو عبداللہ بن رواحہ کی قیادت میں لڑنا۔ تین ہزار مجاہدین پرمشتمل اسلامی لشکر روانہ ہوا۔ ادھر رومی دو لاکھ کی تعداد میں جمع تھے۔ مسلمانوں کے صرف تین ہزار جنگجو رومی ٹڈی دل سے ٹکرا گئے۔ حضرت زید بن حارثہ، حضرت جعفر بن ابی طالب، اور حضرت عبداللہ بن رواحہ رضی اللہ عنہم نہایت بے جگری سے لڑتے ہوئے یکے بعد دیگرے مرتبۂ شہادت پر فائز ہوئے۔[2] ابتدا میں درج کردہ آیت کی شان نزول: یہ روایت حضرت انس بن مالک رضی اللہ عنہ کی ہے۔ انھوں نے بیان کیا کہ زینب بنت جحش رضی اللہ عنہا کی عدت (زید سے طلاق پانے کے بعد) پوری ہوئی تو نبی صلی اللہ علیہ وسلم نے زید بن حارثہ رضی اللہ عنہ سے فرمایا کہ جاؤ اور زینب سے میرا ذکر کرو۔ زید ان کے ہاں گئے۔ وہ آٹے میں سے خمیر اٹھا رہی تھیں۔ حضرت زید کہتے ہیں کہ چونکہ رسول اللہ صلی اللہ علیہ وسلم نے زینب کا ذکر کیا تھا، اس لیے میرے
x
صفحہعنوان
7عرضِ مؤلف
31پہلی آیت مبارکہ
32حضرت ابو لبابہ بن عبدالمنذر رضی اللہ عنہ
43اختتامیہ
45دوسری آیتِ مبارکہ
47حضرت حاطب بن ابی بلتعہ رضی اللہ عنہ
57تیسرے باب کی آیات مبارکہ
59حضرت ابنِ امّ مکتوم رضی اللہ عنہ
64چوتھے باب کی آیاتِ مبارکہ
66حضرت ابو سفیان بن حرب رضی اللہ عنہ
84اختتامیہ
86پانچویں باب کی آیت مبارکہ
88حضرت کعب بن مالک رضی اللہ عنہ
101چھٹے باب کی آیات مقدسہ
103نجاشی رحمہ اللہ
116اختتامیہ
118آٹھویں باب کی آیت مبارکہ
119حضرت عبداللہ بن سلام رضی اللہ عنہ
122اختتامیہ
125نویں باب کی آیت مقدسہ
127حضرت زید بن حارثہ رضی اللہ عنہ
132ابتدا میں درج کردہ آیت کی شان نزول:
135اختتامیہ
Flag Counter