Maktaba Wahhabi

رجال القرآن 6

مؤلف: ڈاکٹر عبد الرحمٰن عمیرہ

ناشر: دار السلام

106
میں مقیم ایک عرب سردار کاغلام تھا۔ دشتِ عرب میں وہ طویل عرصہ اپنے آقا کی بکریاں چراتا رہا۔ وہ حبشہ سے عرب میں کیسے پہنچا اور کیونکر غلام بنا لیا گیا، اس کا پس منظر کچھ یوں ہے کہ اصحمہ کا والد حبشہ کا بادشاہ تھا اور اصحمہ اس کی اکلوتی اولاد تھی۔ اصحمہ کا ایک چچا تھا جس کے بارہ لڑکے تھے۔ کار پردازانِ حبشہ نے سوچا کہ کیوں نہ شاہِ حبشہ کو مار ڈالا جائے اور اس کے بجائے اس کے بھائی کو بادشاہ بنا دیا جائے۔ اس کے تو ایک ہی لڑکا ہے جبکہ اس کے بھائی کے بارہ لڑکے ہیں جو اُس کے بعد بادشاہ بن پائیں گے۔ یوں حبشہ تا دیر قائم رہے گا۔ چنانچہ انھوں نے اصحمہ کے والد کو قتل کروا دیا اور اس کے بھائی یعنی اصحمہ کے چچا کو تختِ شاہی پر بٹھا دیا۔ اصحمہ اپنے چچا کے زیرِسایہ پرورش پاتا رہا۔ جوان ہو کر وہ بہت سمجھ دار اور معاملہ فہم نکلا۔ یوں وہ اپنے چچا یعنی شاہ حبش کا مشیر اور مصاحبِ خاص بنا۔ معاملاتِ حکومت میں وہ جیسے چاہتا، تصرف کرتا۔ کارپردازانِ حبشہ نے جب یہ صورت حال دیکھی تو سوچا کہ یہ لڑکا تو معلوم ہوتا ہے، اپنے چچا پر غالب آگیاہے۔ ایسا نہ ہو کہ بادشاہ اسے ولی عہد بنا ڈالے۔ ایسی صورت میں یہ ہمیں مار ڈالے گا کیونکہ اسے پتہ ہے کہ اس کے والد کو ہم ہی نے قتل کروایا تھا۔ کار پردازن حبشہ بادشاہ کی خدمت میں حاضر ہوئے اور اس کے رو برو درخواست کی کہ یا تو اِس لڑکے کو قتل کرائیے یا اِسے ملک بدر کیجیے۔ یہ تو ہمیں مار ڈالے گا۔ بادشاہ نے ان سے کہا کہ تم پرافسوس! کل میں نے اس کے باپ کو مارا اور آج اسے مار ڈالوں؟! ایسا نہیں ہوسکتا۔ میں اِسے شہر بدر کرتا ہوں۔ چنانچہ وہ اصحمہ کو بازار لے گئے اور ایک تاجر کے ہاتھ اسے چھ سو درہم میں فروخت کردیا۔ وہ تاجر عرب کے ایک قبیلے بنو ضمیرہ سے تعلق رکھتا تھا۔
x
صفحہعنوان
7عرضِ مؤلف
31پہلی آیت مبارکہ
32حضرت ابو لبابہ بن عبدالمنذر رضی اللہ عنہ
43اختتامیہ
45دوسری آیتِ مبارکہ
47حضرت حاطب بن ابی بلتعہ رضی اللہ عنہ
57تیسرے باب کی آیات مبارکہ
59حضرت ابنِ امّ مکتوم رضی اللہ عنہ
64چوتھے باب کی آیاتِ مبارکہ
66حضرت ابو سفیان بن حرب رضی اللہ عنہ
84اختتامیہ
86پانچویں باب کی آیت مبارکہ
88حضرت کعب بن مالک رضی اللہ عنہ
101چھٹے باب کی آیات مقدسہ
103نجاشی رحمہ اللہ
116اختتامیہ
118آٹھویں باب کی آیت مبارکہ
119حضرت عبداللہ بن سلام رضی اللہ عنہ
122اختتامیہ
125نویں باب کی آیت مقدسہ
127حضرت زید بن حارثہ رضی اللہ عنہ
132ابتدا میں درج کردہ آیت کی شان نزول:
135اختتامیہ
Flag Counter