Maktaba Wahhabi

رجال القرآن 6

مؤلف: ڈاکٹر عبد الرحمٰن عمیرہ

ناشر: دار السلام

105
زنیرہ رضی اللہ عنہا ، نہدیہ رضی اللہ عنہا ان کی صاحبزادی اور ام عبیس، یہ سب باندیاں تھیں۔ اِنھوں نے اسلام قبول کیا اور مشرکین کے ہاتھوں اسی طرح کی سنگین سزاؤں سے دو چار ہوئیں۔ حضرت ابوبکر رضی اللہ عنہ نے اِن باندیوں کو بھی خرید کرآزاد کردیا۔[1] مشرکین نے ایذا رسانی کی ایک شکل یہ بھی اختیار کی تھی کہ بعض صحابہ رضی اللہ عنہم کو وہ اونٹ اور گائے کی کچی کھال میں لپیٹ کر دھوپ میں ڈال دیتے تھے۔ اور بعض کو لوہے کی زرہ پہنا کر جلتے ہوئے پتھر پر لٹا دیتے تھے۔[2] ایسے سنگین حالات میں مسلمانوں کے لیے مکہ میں رہنا دو بھر ہوگیا۔ انھیں ان پیہم ستم رسانیوں سے نجات کا راستہ تلاش کرنا پڑا۔ رسول اللہ صلی اللہ علیہ وسلم کو معلوم تھا کہ شاہِ حبشہ نجاشی ایک عادل بادشاہ ہے۔ اُس کے ہاں کسی پر ظلم نہیں ہوتا چنانچہ آپ صلی اللہ علیہ وسلم نے صحابہ کرام رضی اللہ عنہم سے فرمایا کہ بہترہو اگر آپ حبشہ چلے جائیں وہاں جو بادشاہ حکومت کرتا ہے اس کے ہاں کسی پر ظلم نہیں ہوتا۔ یوں نبوت کے پانچویں برس رجب کے مہینے میں صحابہ کرام رضی اللہ عنہم کے پہلے گروہ نے ہجرتِ حبشہ کی۔ اس مقدس گروہ میں بارہ حضرات اورچار خواتین شامل تھیں۔ حضرت عثمان رضی اللہ عنہ ان کے امیر تھے۔ اُن کی اہلیہ حضرت رقیہ رضی اللہ عنہا بنت رسول اللہ صلی اللہ علیہ وسلم بھی ان کے ہمراہ تھیں۔نبی کریم صلی اللہ علیہ وسلم نے اِن دونوں میاں بیوی کے متعلق فرمایا کہ ابراہیم اور لوط علیہما السلام کے بعد یہ پہلا گھرانا ہے جس نے اللہ کی راہ میں ہجرت کی۔‘‘ [3] عہدِ نبوی میں جوشخص حبشہ کا نجاشی تھااس کا نام اصحمہ بن ابجر تھا۔ اس کے متعلق ایک حیرت انگیز بات یہ ہے کہ وہ حبشہ کا بادشاہ بننے سے پہلے بدر کے نواحی علاقے
x
صفحہعنوان
7عرضِ مؤلف
31پہلی آیت مبارکہ
32حضرت ابو لبابہ بن عبدالمنذر رضی اللہ عنہ
43اختتامیہ
45دوسری آیتِ مبارکہ
47حضرت حاطب بن ابی بلتعہ رضی اللہ عنہ
57تیسرے باب کی آیات مبارکہ
59حضرت ابنِ امّ مکتوم رضی اللہ عنہ
64چوتھے باب کی آیاتِ مبارکہ
66حضرت ابو سفیان بن حرب رضی اللہ عنہ
84اختتامیہ
86پانچویں باب کی آیت مبارکہ
88حضرت کعب بن مالک رضی اللہ عنہ
101چھٹے باب کی آیات مقدسہ
103نجاشی رحمہ اللہ
116اختتامیہ
118آٹھویں باب کی آیت مبارکہ
119حضرت عبداللہ بن سلام رضی اللہ عنہ
122اختتامیہ
125نویں باب کی آیت مقدسہ
127حضرت زید بن حارثہ رضی اللہ عنہ
132ابتدا میں درج کردہ آیت کی شان نزول:
135اختتامیہ
Flag Counter