| ساتویں حدیث :غنام بن اوس رضی اللہ عنہ : غنام بن اوس رضی اللہ عنہ سے مروی ہے کہ رسول اللہ صلی اللہ علیہ وآلہ وسلم نے فرمایا: ’’من صام ستا بعد يوم الفطر فكا نما صام الدهر ا و قال السنة‘‘ ترجمہ:’’جس نے عید الفطر کے بعد شوال کے چھ روزے رکھے گویا کہ اس نےپورے زمانے کے روزے رکھے۔یا فرمایا:سال کے روزےرکھے۔‘‘ تخریج الحدیث: یہ روایت مندرجہ ذیل کتب میں موجود ہے۔ [معرفۃ الصحابۃ لابی نعیم:5981،(باب المیم ،مالك بن التيهان ا بو الهيثم الا نصاري) تاریخ کبیر:5/206] آٹھویں حدیث: مرسل طاؤس رحمہ اللہ سیدنا طاؤس رحمہ اللہ فرماتے ہیں کہ رسول اللہ صلی اللہ علیہ وآلہ وسلم نے فرمایا: ’’ من صام رمضان وا تبعه بستة ا يام من شوال كتب له صيام سنة‘‘ ترجمہ :’’جس نے رمضان کے روزے رکھے اور اس کے بعد شوال کے چھ روزے رکھے اس کے نامہ اعمال میں پورے سال کے روزے لکھ دئیے جاتے ہیں ۔‘‘ تخریج : [مصنف عبدالرزاق: 7920،کتاب الصیام ،باب صوم ستۃ التی بعد رمضان] احناف کے یہاں مرسل روایت حجت ہوتی ہے۔ملاحظہ فرمائیے: احناف کے امام سرخسی الحنفی نے کہا کہ ’’ دوسرے اور تیسرے قرن کی مرسل روایت ہمارے علماء کے قول کے مطابق حجت اور دلیل ہے‘‘[1] مولانا ظفر علی تھانوی(دیوبندی) صاحب لکھتے ہیں : ’’اور ہمارے نزدیک مرسل روایت حجت ہے۔‘‘[2] |