| دوسری حدیث:حدیث ثوبان رضی اللہ عنہ : سیدنا ثوبان رضی اللہ عنہ سے مروی ہے رسول اللہ صلی اللہ علیہ وآلہ وسلم نے فرمایا: ’’من صام ستة ايام بعد الفطر كان تمام السنة من جاء بالحسنة فله عشر ا مثالها‘‘ ترجمہ:’’جس نےعید الفطر کے بعد چھ روزے رکھے اس کے لئے اجر میں پورے سال کے روزے ہیں ۔ جو کوئی نیکی کرتا ہے اسے اس کا اجر دس گنا ملے گا۔‘‘ تخریج الحدیث : یہ روایت مندرجہ ذیل کتب میں موجود ہے۔ [سنن ابن ماجۃ : 1715،سنن الدارمی: 1762 ، صحیح ابن خزیمۃ :2115 ، مسند احمد: 280/5صحیح ابن حبان :3635، مسند بزار:4178،السنن الکبری للنسائی:2874 ، المعجم الکبیر : 1451، المعجم الاوسط:7607، شعب الایمان: 3460،3461، شرح مشکل الآثار: 2349] یہ روایت بھی سنداً صحیح ہے ،امام ابن خزیمۃ ،امام ابن حبان رحمہا اللہ سمیت کئی ایک اہل علم نے اس روایت کو صحیح قرار دیا ہے۔ تیسری حدیث: حدیث جابر بن عبداللہ رضی اللہ عنہ : سیدنا جابر رضی اللہ عنہ سے مروی ہے کہ رسول اللہ صلی اللہ علیہ وآلہ وسلم نے فرمایا: ’’من صام رمضان وستة ا يام من شوال فكا نما صام السنة كلها‘‘ ترجمہ:’’جس نےرمضان کے روزوں کے بعد چھ روزے رکھےاور پھر شوال کے چھ روزے رکھے،گویا کہ اس نے پورے سال کے روزے رکھے۔‘‘ تخریج الحدیث : یہ روایت مندرجہ ذیل کتب میں موجود ہے۔ [مسند احمد: 308/3،319/3،السنن الکبری للبیھقی : 292/4 ،المعجم الاوسط: 3192، 4642، 8979، شعب الایمان :3459، شرح مشکل الآثار:2350 ] |