| ’’الحمد للّٰه رب العالمین و الصلاۃ والسلام علیٰ رسولہ وأصحابہ أجمعین۔ میں نے رسالہ’’ سیرتِ سید العالمین ‘‘کا بالاستیعاب مطالعہ کیا۔مولوی احمدالدین نے پادری ٹھاکر داس کے زہریلے جملے اور اعتراضات کا جواب دے کر اہلِ اسلام کو تسلی دے دی، بلکہ ان کے دل میں فرحت و سرور پیدا کردیا۔نبی صلی اللہ علیہ وسلم کی نبوت و رسالت کو براہینِ قاطع و دلائلِ واضح سے ثابت کرکے اہلِ اسلام پر احسان کیا۔دعا ہے کہ اللہ تعالیٰ مصنف مذکور کو حضرت نوح علیہ السلام کی عمر اور صحت عطا کرے۔‘‘ [1] تیسری تقریظ مولانا سید محمد اسماعیل شاہ بن حضرت سید محمد شریف شاہ گھڑیالوی کی تحریر کردہ ہے۔اس کا بھی مطالعہ فرمائیے: ’’حامدًا ومصلیاً، برادرانِ اسلام، السلام علیکم! میں نے لائل پور محلہ مومن آباد میں قیام کیا اور مولوی احمد الدین نے مجھے مسودہ سیرت سید العالمین کا دکھایا۔میں نے اس کا بہ نظر غور اول سے آخر تک مطالعہ کیا۔مصنف نے نبی صلی اللہ علیہ وسلم کی رسالت کو نہایت معقول و منقول پرُ زور دلائل، تحقیقی جواب اور الزامی جواب سے مصنفِ مخالف کا ناطقہ بند کرتے ہوئے ثابت کیاہے۔بالخصوص اسلامی جہاد پر مخالف کے اعتراضات کا مدلل و مبرہن جواب دیا ہے۔برادرانِ اسلام کو اس رسالے کی اشاعت کی ازحد سعی کرکے بہ نظر غور مطالعہ کرنا چاہیے اور اسے عیسائیوں کی مشنریوں تک پہنچانا چاہیے۔اللہ تعالیٰ اسلام کی خدمت |