Maktaba Wahhabi

اسلامی اجتماعیت میں خاندان کا کردار

مؤلف: حافظ حسین ازہر

ناشر: کلیہ معارف اسلامیہ ،جامعہ کراچی

سال شائع: 2009

’’نبی کریم صلی اللہ علیہ وسلم کی حدیث کے مقابلے میں میری بات کو چھوڑ دو:صحیح حدیث ہی میرا مذہب ہے۔‘‘ امام ابو حنیفہ رحمہ اللہ کا’جامع المسانید‘ میں یہ حدیث:’’لا نکاح إلا بولي‘‘خود روایت کرنا اور صحیح حدیث کو اپنا مذہب قرار دینا واضح کرتا ہے اس مسئلے پر امام صاحب کا مؤقف کیا ہوگا۔اسی حدیث کی بنیاد پر نامور حنفی علامہ زیلعی رحمہ اللہ نے ’لا نکاح إلا بولي‘ کو آپ کا موقف بتایا ہے جیسا کہ یہی بات امام صاحب کے دوسرے شاگرد حسن بن زیاد رحمہ اللہ سے بھی مروی ہے۔جو کہ درج ذیل ہے۔ ٭ امام ابو حنیفہ رحمہ اللہ کا موقف ان کے دو شاگرد امام محمد بن حسن شیبانی رحمہ اللہ اور حسن بن زیاد رحمہ اللہ بیان کرتے ہیں: ’’امام ابو حنیفہ رحمہ اللہ نکاح میں ولی کے نہ ہونے پر یہ رائے بھی رکھتے ہیں کہ نکاح صحیح نہیں ہوتا۔جیسا کہ ان کے شاگرد حسن بن زیاد رحمہ اللہ نے آپ سے روایت کیا ہے کہ ’اگر لڑکی غیر کفو میں ولی کی اجازت کے بغیر نکاح کرے تو یہ نکاح صحیح نہیں ہوگا۔‘‘۶۷؎ ٭ امام محمد بن حسن شیبانی رحمہ اللہ رقمطراز ہیں: ’’فأما ابو حنیفہ فقال إذا وضعت نفسہا فی کفائۃ ولم تکسر فی نفسہا فی صداق فالنکاح جائز ومن حجتہ قول عمر فی ہذا الحدیث أو ذی الرأی من أہلہا أنہ لیس بولي وقد أجاز نکاحہ لأنہ إنما أراد أن لا تکسر فإذا فعلت ہی لک جاز‘‘۶۸؎ ’’امام محمد رحمہ اللہ کہتے ہیں کہ ولی کی اجازت کے بغیر نکاح نہیں ہوتا۔اگر اس کے اور ولی کے درمیان اختلاف ہو تو بادشاہ اس کا ولی ہے جس کا کوئی ولی نہ ہو… امام ابو حنیفہ رحمہ اللہ نے کہا کہ جب کوئی عورت اپنے کفو میں شادی کرے اور مہر مثل میں کمی نہ کی ہو تو نکاح جائز ہے۔اس بارہ میں ان کی دلیل حضرت عمر فاروق رضی اللہ عنہ کا یہ ارشاد ہے ’أو ذی الرأی من أھلھا ‘(یعنی گھر میں سے کسی اہم فرد کو نکاح میں ولی بنا لے )حالانکہ وہ ولی نہیں،لیکن اس کے نکاح کو حضرت عمر رضی اللہ عنہ نے جائز قرار دیا۔اس لئے کہ ان کا مقصد یہ تھا کہ وہ عورت مہر میں کمی نہ کرے۔جب یہ کرے تو نکاح جائز ہے۔‘‘ غور فرمائیے کہ امام ابو حنیفہ رحمہ اللہ کے دونوں شاگردوں نے آپ کا موقف کیا بیان کیا ہے… امام حسن بن زیاد رحمہ اللہ نے تو ولی کے بغیر ہونے والے نکاح کا ناقابل اعتبار ہونا امام صاحب کا موقف بتایا ہے جبکہ امام محمد رحمہ اللہ نے اصل ولی کے علاوہ گھر میں سے کسی با اثر کا،عورت کا نکاح کر دینا،امام صاحب سے صحیح بیان کیا ہے۔اور اس میں امام صاحب کی دلیل حضرت عمر فاروق رضی اللہ عنہ کا مذکور قول ہے۔ ثابت ہوا کہ امام صاحب کے موقف میں اصل ولی(والد)کی بجائے گھر کے کسی صاحب الرائے کا،عورت کا نکاح کر دینے سے نکاح منعقد ہو جاتا ہے۔جس کا مطلب قطعا یہ نہیں بنتا کہ عورت اپنا نکاح پورے خاندان کو چھوڑ کر خود کرتی پھرے۔ امام ابو حنیفہ رحمہ اللہ کا موقف نامور حنفی علماء کی زبانی عورت کے نکاح کے لئے ولی کی ضرورت سے امام ابو حنیفہ رحمہ اللہ کا مسلک اعتدال پر مبنی ہے۔جس میں ولی اور لڑکی دونوں کے مفادات کا تحفظ کیا گیا ہے۔ ٭ علامہ انور شاہ کشمیری رحمہ اللہ رقمطراز ہیں: ’’امام ابو حنیفہ رحمہ اللہ کا مذہب یہ ہے کہ جب ولی اور عورت کی رائے میں تضاد پایا جائے تو عورت کی رضامندی کی اہمیت ہوگی اگرچہ عورت اپنے ولی کی رضا حاصل کرنے کی پابند ہے اس طرح ولی عورت کی رضا مندی حاصل کرنے کا بھی پابند ہے۔معاملے کی
x
صفحہعنوان
1باب اول: اسلام میں خاندان کا تصور
3خاندان کی تعریف
18خاندانی نظام کی تاریخ و پس منظر
27خاندانی نظام کا ارتقاء واستحکام
31خاندان کے عناصر ترکیبی
40باب دوم نکاح وطلاق
41فصل اول:
42اسلام میں نکاح کی قانونی حیثیت
48نکاح کامقصداور ضرورت
59نکاح کا اسلامی طریقہ
70فصل د وم نکاح کے آداب وضوابط اور شرائط
71نکاح میں ولی کی حیثیت 1۔ نکاح میں ولی کی حیثیت
872۔ولی کے لئے شرائط
893۔نکاح میں لڑکا اور لڑکی کی رضا مندی لازمی ہے۔
904۔فریقین کی طرف سے ایجاب و قبول لازمی ہے
905۔خاوند کے لئے مہر دینا لازمی ہے
916۔نکاح کے وقت دو عادل گواہوں کی موجودگی ضروری ہے
927۔اعلان نکاح ضروری ہے
98فصل سوم:
99تعدد ازواج اسلام کی نظر میں
107تعدد ازواج کی حکمتیں
111تعدد ازواج کے آداب وشرائط
113بلا استطاعت تعدد ازواج کی ممانعت
116اسلام اورمغرب تعدد ازواج کے پس منظر میں
124فصل چہارم:
125اسلام کاقانون طلاق
133طلاق کے آداب وشرائط
138خلع کی اہمیت وضرورت
144بلا وجہ طلاق کی ممانعت
151باب سوم: زوجین کے حقوق و فرائض
152فصل اول: خاوند کے بیوی پر حقوق
153خاوند کے بیوی پر حقوق
1541۔خاوند کے جسمانی وطبعی حقوق
1562۔خاوند کے دینی واخلاقی حقوق
1583۔خاوند کی اطاعت اور اس کی عصمت کی حفاظت
1624۔مال و اولاد کی نگرانی
165فصل دوم :
166بیوی کے خاوند پر حقوق
1661۔بیوی کے طبعی حقوق
1672۔بیوی کے اخلاقی وتمدنی حقوق
1723۔بیوی کے معاشی حقوق
1753۔بیوی کے تعلیمی حقوق
179فصل سوم:
180اسلامی حقو ق زوجین کا،غیراسلامی حقوق زوجین سے تقابل
196باب چہارم: اولاد کے حقوق وفرائض
197فصل اوّل :
198حقوق اولادکی اخلاقی ضرورت واہمیت
206’حقوق اولاد‘ کی دینی ضرورت و فرضیت
212فصل دوم: کفالت(نان،نفقہ اور رہائش) اور حضانت(پرورش اور تربیت) کے حقوق
217تعلیم وتربیت کے حقوق
237باب پنجم: والدین کے حقوق وفرائض
238صل اول :
239والدین کی اطاعت
242خلاف دین معاملات اور اطاعت والدین
247والدین کی خدمت
252فصل دوم :
253والدین کے معاشی حقوق
261والدین کا حق مشاورت
268بعد از وفات والدین کے حقوق
275باب ششم : عزیز و اقارب کے حقوق و فرائض
276صل اوّل:
277والد کے رشتہ داروں کاتعین
285ددھیال سے میل جول کے آداب
291والدہ کے رشتہ دراوں کا تعین
291معاشرے میں والدہ کی حیثیت:
296ننھیال سے میل جول کے آداب
303فصل دوم :
304اسلام میں صلہ رحمی کی اہمیت خاندان کی جڑیں اور شاخیں
316قطع رحمی کی مذمت
323فصل سوم :
324خاندانی روایات کی پاسداری
329عصر حاصر میں خلاف شرع خاندانی روایات
338خوشی کے مواقع پر تعاون و شراکت
344اجتماعی میل جول کے محاسن
353فصل چہارم: خاندان اور معاشرہ
354خاندان اورمعاشرہ خاندان معاشرے کابنیادی یونٹ
357اسلامی معاشرے میں خاندان کا کردار
362اختتامیہ
363مصادر و مراجع
Flag Counter