Maktaba Wahhabi

اسلامی اجتماعیت میں خاندان کا کردار

مؤلف: حافظ حسین ازہر

ناشر: کلیہ معارف اسلامیہ ،جامعہ کراچی

سال شائع: 2009

خاندانی نظام کا ارتقاء واستحکام خاندانی نظام کی مضبوطی اور اس کے استحکام کے لیے قرآنی قوانین معاشرت اور حدود و تعزیرات کا نفاذ ضروری ہے۔ ٭ مولانا مودودی رحمہ اللہ لکھتے ہیں: ’’نوع انسانی کی بقا اور انسانی تمدن کا قیام دونوں اس بات پر منحصر ہیں کہ ہر عورت اور مرد محض لطف اور لذت کے لیے ملنے اور پھرالگ ہوجانے میں آزاد نہ ہوں بلکہ ہر جوڑے کا باہمی تعلق ایک ایسے مستقل اور پائیدار عہد وفا پر استوار ہو،جو معاشرے میں معلوم اور معروف بھی ہو اور جسے معاشرے کی ضمانت بھی حاصل ہو۔اس کے بغیر نسل انسانی ایک دن کے لیے بھی نہیں چل سکتی ایک انسان کا بچہ اپنی زندگی اور اپنی نشوونما کے لیے کئی برس کے درد مندانہ نگہداشت اور تربیت کا محتاج ہوتاہے اور تنہا عورت اس بار کو اٹھانے کے لیے تیار نہیں ہوسکتی۔جب تک کے مرد اس کا ساتھ نہ دے جو اس بچہ کے وجود میں آنے کا سبب بناہو۔اس طرح اس معاہدے کے بغیر انسانی تمدن بھی برقرار نہیں رہ سکتا کیونکہ تمدن کی تو پیدائش یہی ایک مرد اور ایک عورت کے مل کر رہنے،ایک گھر اور خاندان وجود میں لانے اور پھر خاندانوں کے درمیان رشتے اور رابطے پیدا ہونے سے ہوتی ہے۔اگر عورت اور مرد گھر اور خاندان کی تخلیق سے قطع نظر کرکے،محض لطف اور لذت کے لیے آزادانہ ملنے لگیں تو سارے انسان بکھر کر رہ جائیں گے۔اجتماعی زندگی کی جڑ ہی کٹ جائے اور وہ بنیاد ہی باقی نہ رہے،جس پر تہذیب و تمدن کی یہ عمارت اٹھی ہے۔ان وجوہ سے عورت اور مرد کا ایسا آزادانہ تعلق،جوکسی معروف و مسلم عہد وفا پر مبنی نہ ہو،انسانی فطرت کے خلاف ہیں۔‘‘۹۶؎ خاندان بھی دوسرے معاشرتی اداروں کی ترکیبی و انتظامی تبدیلیوں سے دوچار ہوکے رہے،اس ارتقاء میں استحکام اور عدم استحکام ہی سے اس کا تعین ہوتا رہتا ہے۔ایک مستحکم خاندان کی بنیاد مرد و عورت کا تعلق ہے اس سے بچہ وہ سکون حاصل کرتا ہے جووہ ماں کی گود میں بیٹھ کر یا بہن بھائیوں کی معیت میں کھانے اور کھیلنے میں محسوس کرتا ہے،بچے کے لیے پہلا اور آخری سہارا ماں باپ ہوتے ہیں حتی کہ وہ بڑاہو کر آزاد اور خود مختار ہوجاتا ہے۔اس وقت وہ بوڑھے والدین اور چھوٹے بہن بھائیوں کاسہارا بن جاتاہے۔حقیقت یہ ہے کہ خاندان کا آغاز و ارتقاء ایک ایسا مسلسل عمل ہے جس میں ہر فرد دوسرے کا سہارا بن جاتا ہے۔۹۷؎ انسان نے بالکل آغاز میں محسوس کرلیا تھا کہ اس کی زندگی کا انحصار خاندان پر ہے۔تمدن کے ابتدائی درجے سے لے کر دور حاضر تک خاندان کی ابتدائی اور بنیادی حیثیت نہیں بدلی۔علماء معاشرت کا کہنا ہے کہ ’’اچھے معاشرے کا دارومدار مستحکم خاندان پر ہے۔‘‘ تاریخ انسانی پر نظر رکھنے سے پتہ چلتا ہے کہ تہذیبوں اور تمدنوں کے زوال کا باعث ہی خاندان کا انتشار ہے۔رومی تہذیب،اسی کے سبب زوال کا شکار ہوئی اور دور حاضر کے متمدن اور مہذب معاشرے اسی انتشار کا شکار ہیں جو انجام کار تباہی تک پہنچا دیتا ہے۔اس کی وجہ یہ ہے کہ خاندان ایک ایساادارہ ہے جو انسانی رویے اور طرز عمل کی تشکیل کرتا ہے۔خاندان ہی وہ ادارہ ہے۔جس کے ذریعے معاشرتی تربیت ہوتی ہے اور خاندان ہی وہ ادارہ ہے جو فرد کو اپنے فرائض کا احساس دلاتا اور اسے فرق مراتب کا شعور بخشتا ہے اگر خاندان کااستحکام ختم ہوجائے تو انسانی طرز عمل معاشرتی فرائض کاشعور اور افراد معاشرہ کے مراتب کا تعین سب کچھ ختم ہوجائے۔ان
x
صفحہعنوان
1باب اول: اسلام میں خاندان کا تصور
3خاندان کی تعریف
18خاندانی نظام کی تاریخ و پس منظر
27خاندانی نظام کا ارتقاء واستحکام
31خاندان کے عناصر ترکیبی
40باب دوم نکاح وطلاق
41فصل اول:
42اسلام میں نکاح کی قانونی حیثیت
48نکاح کامقصداور ضرورت
59نکاح کا اسلامی طریقہ
70فصل د وم نکاح کے آداب وضوابط اور شرائط
71نکاح میں ولی کی حیثیت 1۔ نکاح میں ولی کی حیثیت
872۔ولی کے لئے شرائط
893۔نکاح میں لڑکا اور لڑکی کی رضا مندی لازمی ہے۔
904۔فریقین کی طرف سے ایجاب و قبول لازمی ہے
905۔خاوند کے لئے مہر دینا لازمی ہے
916۔نکاح کے وقت دو عادل گواہوں کی موجودگی ضروری ہے
927۔اعلان نکاح ضروری ہے
98فصل سوم:
99تعدد ازواج اسلام کی نظر میں
107تعدد ازواج کی حکمتیں
111تعدد ازواج کے آداب وشرائط
113بلا استطاعت تعدد ازواج کی ممانعت
116اسلام اورمغرب تعدد ازواج کے پس منظر میں
124فصل چہارم:
125اسلام کاقانون طلاق
133طلاق کے آداب وشرائط
138خلع کی اہمیت وضرورت
144بلا وجہ طلاق کی ممانعت
151باب سوم: زوجین کے حقوق و فرائض
152فصل اول: خاوند کے بیوی پر حقوق
153خاوند کے بیوی پر حقوق
1541۔خاوند کے جسمانی وطبعی حقوق
1562۔خاوند کے دینی واخلاقی حقوق
1583۔خاوند کی اطاعت اور اس کی عصمت کی حفاظت
1624۔مال و اولاد کی نگرانی
165فصل دوم :
166بیوی کے خاوند پر حقوق
1661۔بیوی کے طبعی حقوق
1672۔بیوی کے اخلاقی وتمدنی حقوق
1723۔بیوی کے معاشی حقوق
1753۔بیوی کے تعلیمی حقوق
179فصل سوم:
180اسلامی حقو ق زوجین کا،غیراسلامی حقوق زوجین سے تقابل
196باب چہارم: اولاد کے حقوق وفرائض
197فصل اوّل :
198حقوق اولادکی اخلاقی ضرورت واہمیت
206’حقوق اولاد‘ کی دینی ضرورت و فرضیت
212فصل دوم: کفالت(نان،نفقہ اور رہائش) اور حضانت(پرورش اور تربیت) کے حقوق
217تعلیم وتربیت کے حقوق
237باب پنجم: والدین کے حقوق وفرائض
238صل اول :
239والدین کی اطاعت
242خلاف دین معاملات اور اطاعت والدین
247والدین کی خدمت
252فصل دوم :
253والدین کے معاشی حقوق
261والدین کا حق مشاورت
268بعد از وفات والدین کے حقوق
275باب ششم : عزیز و اقارب کے حقوق و فرائض
276صل اوّل:
277والد کے رشتہ داروں کاتعین
285ددھیال سے میل جول کے آداب
291والدہ کے رشتہ دراوں کا تعین
291معاشرے میں والدہ کی حیثیت:
296ننھیال سے میل جول کے آداب
303فصل دوم :
304اسلام میں صلہ رحمی کی اہمیت خاندان کی جڑیں اور شاخیں
316قطع رحمی کی مذمت
323فصل سوم :
324خاندانی روایات کی پاسداری
329عصر حاصر میں خلاف شرع خاندانی روایات
338خوشی کے مواقع پر تعاون و شراکت
344اجتماعی میل جول کے محاسن
353فصل چہارم: خاندان اور معاشرہ
354خاندان اورمعاشرہ خاندان معاشرے کابنیادی یونٹ
357اسلامی معاشرے میں خاندان کا کردار
362اختتامیہ
363مصادر و مراجع
Flag Counter