Maktaba Wahhabi

اسلامی اجتماعیت میں خاندان کا کردار

مؤلف: حافظ حسین ازہر

ناشر: کلیہ معارف اسلامیہ ،جامعہ کراچی

سال شائع: 2009

٭ایجاب وقبول نکاح کے موقع پر دولہا ودلہن کا ایجاب وقبول ضروری ہے دلہن کی طرف سے رضامندی وقبولیت کی ضمانت اس کا ولی دے گا جبکہ لڑکا بذات خود گواہوں کی موجودگی میں عقد نکاح پر رضامندی کااظہار کرے گا۔خواہ یہ رضامندی قولی طور پر ہو یا عملی طور پر ہو یعنی اگر نکاح کروانے والا لڑکے کوکہے کہ فلاں بنت فلاں کا نکاح،ان گواہوں کی موجودگی میں اتنے حق مہر کے عوض میں تمہارے ساتھ کیا،کیا تمہیں قبول ہے ایسے الفاظ ولی خود بھی لڑکے کوکہہ سکتاہے کہ میں نے اپنی زیر ولایت لڑکی یا بیٹی کا نکاح تم سے کیا،کیاتمہیں منظور ہے تولڑکے کا قبول ہے کہہ دینا یا اظہار رضامندی کے ساتھ سر ہلا کر اشارہ کر دینا نکاح کے انعقاد کے لیے کافی ہے۔البتہ سب سے مناسب صورت یہ ہے کہ لڑکا بآواز بلند’’ قبول ہے‘‘ کہہ کر رضامندی کا اظہار کرے۔ حضرت عبدالرحمن بن عوف رضی اللہ عنہ نے ام حکیم بنت قارظ رضی اللہ عنہا سے کہا،کیا تم نے اپنے نکاح کے معاملے میں مجھے مختار بنایا ہے کہ میں جس سے چاہوں تمہارا نکاح کردوں ؟تو ام حکیم نے کہا،ہاں توعبد الرحمن رضی اللہ عنہ نے کہا توپھر میں نے خود تم سے نکاح کیا۔ یہ روایت امام بخاری رحمہ اللہ،تعلیقا لائے ہیں جوکہ’ کتاب النکاح‘ ’باب اذا کان الولی ہو الخاطب‘ کے تحت نقل کی گئی ہے۔ ٭خطبۃ النکاح نکاح پڑھانے والے کے لیے مستحب ہے کہ عقد سے پہلے خطبہ پڑھے اورخطبہ نکاح ایسا ہونا چاہیے جس میں اللہ تعالیٰ کی حمد وثنا ء اور رسول صلی اللہ علیہ وسلم پر درود سلام کے الفاظ موجود ہوں یعنی کم ازکم ’الحمد للّٰه والصلوۃ والسلام علی رسول اللّٰہ صلی اللّٰه علیہ وسلم ‘کے الفاظ پر مشتمل ہوناچاہیے۔ حضرت ابوہریرہ رضی اللہ عنہ سے مروی ہے کہ نبی کریم صلی اللہ علیہ وسلم نے فرمایا: ’’کل خطبۃ لیس فیہا تشہد کالید الجذفاء‘‘ ۶۷؎ ہروہ خطبہ جس میں تشہد نہ ہو وہ جذام والے ہاتھ کی طرح ہے۔ امام مناوی رحمہ اللہ فیض القدیر میں’’ کالید الجذفاء‘‘کی وضاحت کرتے ہوئے لکھتے ہیں: ’’کالید الجذفاء ای المقطوعۃ،والجذم سرعۃ القطع،یعنی ان کل خطبۃ لم یؤت فیہا بالحمد والثناء علی اللّٰہ فہی کالید المقطوعۃ التی لافائدۃ بہا‘‘۶۸؎ ’’کوڑھ والے ہاتھ سے مراد ایسا ہاتھ ہے جوکاٹ دیا گیاہو اورکوڑھ کاٹنے کی تیزی کوکہاجاتاہے مطلب یہ ہے کہ ہروہ خطبہ جس میں اللہ تعالیٰ کی حمدوثناء نہ کی جائے وہ کاٹے ہوئے ہاتھ کی طرح ہے جس سے کوئی کام نہیں لے سکتے یعنی اس سے کوئی فائدہ نہیں اٹھایا جاسکتا۔‘‘ ایک اور حدیث میں جوکہ حضرت ابوہریرہ سے مروی ہے رسو ل اللہ صلی اللہ علیہ وسلم نے فرمایا: ’’کل أمر ذی بال لایبدا فیہ بحمد اللّٰہ فہو اقطع‘‘۶۹؎ ’’ہروہ کام جس کی ابتداء وآغاز الحمد للہ سے نہ کیاجائے تووہ کام کٹاہواہے(یعنی وہ کام ناقص اورادھورا ہے۔‘‘ یعنی ہر قابل اعتبار کام جوالحمدللہ سے شروع نہ کیا جائے وہ برکت سے خالی ہے۔اس سے خاص الحمد ﷲ کہنا مراد نہیں ہے بلکہ اللہ کاذکر مقصود ہے۔تاکہ یہ مفہوم دوسری احادیث سے متفق ہوجائے افضل تویہ ہے کہ وہ خطبہ حاجت کے مطابق خطبہ دے۔
x
صفحہعنوان
1باب اول: اسلام میں خاندان کا تصور
3خاندان کی تعریف
18خاندانی نظام کی تاریخ و پس منظر
27خاندانی نظام کا ارتقاء واستحکام
31خاندان کے عناصر ترکیبی
40باب دوم نکاح وطلاق
41فصل اول:
42اسلام میں نکاح کی قانونی حیثیت
48نکاح کامقصداور ضرورت
59نکاح کا اسلامی طریقہ
70فصل د وم نکاح کے آداب وضوابط اور شرائط
71نکاح میں ولی کی حیثیت 1۔ نکاح میں ولی کی حیثیت
872۔ولی کے لئے شرائط
893۔نکاح میں لڑکا اور لڑکی کی رضا مندی لازمی ہے۔
904۔فریقین کی طرف سے ایجاب و قبول لازمی ہے
905۔خاوند کے لئے مہر دینا لازمی ہے
916۔نکاح کے وقت دو عادل گواہوں کی موجودگی ضروری ہے
927۔اعلان نکاح ضروری ہے
98فصل سوم:
99تعدد ازواج اسلام کی نظر میں
107تعدد ازواج کی حکمتیں
111تعدد ازواج کے آداب وشرائط
113بلا استطاعت تعدد ازواج کی ممانعت
116اسلام اورمغرب تعدد ازواج کے پس منظر میں
124فصل چہارم:
125اسلام کاقانون طلاق
133طلاق کے آداب وشرائط
138خلع کی اہمیت وضرورت
144بلا وجہ طلاق کی ممانعت
151باب سوم: زوجین کے حقوق و فرائض
152فصل اول: خاوند کے بیوی پر حقوق
153خاوند کے بیوی پر حقوق
1541۔خاوند کے جسمانی وطبعی حقوق
1562۔خاوند کے دینی واخلاقی حقوق
1583۔خاوند کی اطاعت اور اس کی عصمت کی حفاظت
1624۔مال و اولاد کی نگرانی
165فصل دوم :
166بیوی کے خاوند پر حقوق
1661۔بیوی کے طبعی حقوق
1672۔بیوی کے اخلاقی وتمدنی حقوق
1723۔بیوی کے معاشی حقوق
1753۔بیوی کے تعلیمی حقوق
179فصل سوم:
180اسلامی حقو ق زوجین کا،غیراسلامی حقوق زوجین سے تقابل
196باب چہارم: اولاد کے حقوق وفرائض
197فصل اوّل :
198حقوق اولادکی اخلاقی ضرورت واہمیت
206’حقوق اولاد‘ کی دینی ضرورت و فرضیت
212فصل دوم: کفالت(نان،نفقہ اور رہائش) اور حضانت(پرورش اور تربیت) کے حقوق
217تعلیم وتربیت کے حقوق
237باب پنجم: والدین کے حقوق وفرائض
238صل اول :
239والدین کی اطاعت
242خلاف دین معاملات اور اطاعت والدین
247والدین کی خدمت
252فصل دوم :
253والدین کے معاشی حقوق
261والدین کا حق مشاورت
268بعد از وفات والدین کے حقوق
275باب ششم : عزیز و اقارب کے حقوق و فرائض
276صل اوّل:
277والد کے رشتہ داروں کاتعین
285ددھیال سے میل جول کے آداب
291والدہ کے رشتہ دراوں کا تعین
291معاشرے میں والدہ کی حیثیت:
296ننھیال سے میل جول کے آداب
303فصل دوم :
304اسلام میں صلہ رحمی کی اہمیت خاندان کی جڑیں اور شاخیں
316قطع رحمی کی مذمت
323فصل سوم :
324خاندانی روایات کی پاسداری
329عصر حاصر میں خلاف شرع خاندانی روایات
338خوشی کے مواقع پر تعاون و شراکت
344اجتماعی میل جول کے محاسن
353فصل چہارم: خاندان اور معاشرہ
354خاندان اورمعاشرہ خاندان معاشرے کابنیادی یونٹ
357اسلامی معاشرے میں خاندان کا کردار
362اختتامیہ
363مصادر و مراجع
Flag Counter