| مختصر اصطلاحات حدیث حدیث: رسول اللہ صلی اللہ علیہ وسلم کا فرمان ’’قولی حدیث آپ صلی اللہ علیہ وسلم کاعمل ’’فعلی حدث ‘‘آپ صلی اللہ علیہ وسلم کی اجازت ’’تقریری حدیث ‘‘کہلاتی ہے ۔ مرفوع: جس حدیث میں صحابی رسول اللہ صلی اللہ علیہ وسلم کا نام لے کر حدیث بیان کرے مرفوع کہلاتی ہے۔ موقوف : جس حدیث میں صحابی رسول اللہ صلی اللہ علیہ وسلم کا نام لئے بغیر حدیث بیان کرے یا اپنے خیال کا اظہار کرے موقوف کہلاتی ہے ۔ آحاد: جس حدیث کے راوی تعداد میں متواتر حدیث کے راویوں سے کم ہوں آحاد کہلاتی ہے۔ آحاد کی تین قسمیں ہیں متواتر: جس حدیث کے راوی ہر زمانے میں اتنے ہوں جن کا جھوٹ پر اکٹھے ہونا ممکن نہ ہو، متواتر کہلاتی ہے ۔ مقبول: جس حدیث کے راویوں کی دیانت اور سچائی تسلیم ہو مقبول کہلاتی ہے ۔ غیر مقبول: جس حدیث کے راویوں کی دیانت اور سچائی مشتبہ ہو غیر مقبول کہلاتی ہے ۔ حسن: جس حدیث کےراوی صحیح حدیث کے راویوں کی نسبت حافظے میں کم ہوں باقی شرائط وہی ہوں، حسن کہلاتی ہے۔ صحیح: جس حدیث کے راوی ثقہ ،پرہیزگار اور قابل اعتبار حافظہ کے مالک ہوں اور سند متصل ہو، صحیح کہلاتی ہے ۔ درجہ 1: جسےبخاری اورمسلم دونوں نےروایت کیا ہو ( متفق علیہ ) درجہ 2: جسے صرف بخاری نے روایت کیا ہو ۔ درجہ3: جسے صرف مسلم نے روایت کیا ہو درجہ4: جسے بخاری اورمسلم کی شرائط کے مطابق کسی دوسرےمحث نے روایت کیا ہو ۔ درجہ5: جسے صرف بخاری کی شرائط کے مطابق کسی دوسرے محدث نے روایت کیا ہو ۔ درجہ6: جسے صرف مسلم کی شرائط کے مطابق کسی دوسرے محدث نے روایت کیا ہو ۔ درجہ7: جسے بخاری اورمسلم کے علاہو دوسرے محدثین نے صحیح سمجھا ۔ ضعف منقطع : جس حدیث کاایک یا ایک سے زیادہ راوی مختلف مقامات سے ساقط ہوں مرسل: جس حدیث کا راوی آخر سند سےساقط ہو یعنی تابعی کےبعد صحابی کانام نہ ہو ۔ معضل : جس حدیث کے دو یا دو سے زائد راوی اکٹھے سند کے درمیان سے منقطع ہوں۔ موضوع : جس حدیث کے راوی کاحدیث کے معاملے میں جھوٹ بولنا ثابت ہو۔ متروک : جس حدیث کے راوی پر صرف جھوٹ کی تہمت ، لیکن حدیث کے معاملہ میں جھوت ثابت نہ ہو ۔ شاذ : ایک ثقہ راوی اپنے سےزیادہ ثقہ راوی اور ضابط کی مخالفت کرے ۔ منکر : جس حدیث کا راوی وہمی یا فاسق یا بدعتی ہو ۔ اصطلاحات کتب 1۔صحاح ستہ : حدیث کی چھ کتب بخاری، وسلم ، ابوداؤد، نسائی اور ابن ماجہ کو غلبہ صحت کی بنیاد پر صحاح ستہ کہا جاتا ہے ۔ 2۔جامع : جس حدیث میں اسلام کے متعلق تمام مباحث عقائد، احکام ، تفسیر ، جنت ، دوزخ وغیرہ موجود ہوں جامع کہلاتی ہے ۔ 3۔سنن : جس کتاب میں صرف احکامات کے متعلق احادیث جمع کی گئی ہوں سنن کہلاتی ہیں مثلاً سنن ابی داؤد ۔ 4۔مسند : جس کتاب میں ترتیب وارہر صحابی کی احادیث یک جا کر دی گئیں ہوں مسند کہلاتی ہیں مثلاً سنن ابی داؤد ۔ 5۔مستخرج : جس کتاب میں ایک کتاب کی احادیث کسی دوسری سند سے روایت کی جائیں مستخرج کہلاتی ہیں مثلاً مستخرج الاسماعیلی علی البخاری ۔ 6۔مستدرک : جس کتاب میں ایک محدث کی قائم کردہ شرائط کےمطابق وہ احادیث جمع کی جائیں جو اس محدث نےاپنی کتاب میں درج نہ کی ہوں مستدرک کہلاتی ہے مثلاً مستدرک حاکم ۔ 7۔اربعین : جس کتاب میں چالیس احادیث جمع کی گئی ہوں اربعین کہلاتی ہے مثلاً اربعین نووی ۔ |