Maktaba Wahhabi

حجیت حدیث(شیخ البانی)

مؤلف: فضیلت مآب شیخ ناصر الدین البانی

ناشر: ادارہ محدث

مترجم: مولانا حافظ عبدالرشید صاحب اظہرؔ

کا اصل باعث غلط تعصب اور ہٹ دھرمی ہےجو من مانی رائے اور خواہشات کی بے راہ روی سے فروغ پاتے ہیں جن کا ایک پہلو تقلید ہے تو دوسرا الحاد، جب کہ اس افراط تفریط سے بچانے والی معتدل راہ ”اتباع سنت“ کے لیے ”روایت حدیث “ کی ہے۔ چونکہ روایت حدیث کا اصل مقصد کتاب اللہ کی عملی تعبیر سنّت وسیرت رسول صلی اللہ علیہ وسلم کی پہچان ہوتی ہے۔ جس کے لیے وسیع علم”درایت حدیث“ کی ضرورت ہوتی ہے۔ وہ اِنحطاط کے دور میں بہت کم رہ گیا ہے چنانچہ آج ملحدین کا کامیاب حربہ” تشکیک“ ہے یعنی اکثر غیر ثابت شدہ احادیث یا بعض صحیح احادیث کا معنی غلط کرکے ”قرآن کریم“ کی من مانی تفسیر کے ذریعے تضاد پیدا کرکے یہ تاثر دینا کہ اسلام کی چودہ سو سالہ عملی تاریخ بشمول سیرت رسول صلی اللہ علیہ وسلم ایک عجمی سازش ہے۔ اگرچہ دور حاضر کے بعض ملحدین نے سیرت رسول صلی اللہ علیہ وسلم کو ہنگامی اور وقتی بناکر نعوذباللہ سازشی کا لقب دینے سے بظاہر احتراز کیا۔ لیکن جس طرح ”دوررسالت“ کے روایتی ذخیرے کے جو درحقیقت ”تبیین کتاب“ کی ایک معجزانہ حفاظت کا کام ہے، جاہلانہ مذاق بنا رکھا ہے وہ ان کے مکروہ عزائم کی نقاب کشائی کرتا ہے۔ دراصل تقلیدی تعصب نے حدیث کو حدیث سے ٹکرا کر اپنے لیے فرقہ بندی کا راستہ نکالا تھاتو الحادی خواہشات نے حدیث کو قرآن سے ٹکرا کر دین وملّت پر ہاتھ صاف کرنے کا عزم کر رکھا ہے۔ ایک دور میں اسی ٹکراؤ اور تناقض کا شکار قرآنِ کریم سے ٹکرا کر یہی مقصد پورا کیا جارہاہے۔ عظیم تابعی حضرت سعید بن جبیر رحمۃ اللہ علیہ نے اسی ذہن پر اپنے دُکھ کا اظہار ان الفاظ میں کیا تھا:” میں تجھے رسول اللہ صلی اللہ علیہ وسلم سے حدیث سناتا ہوں اور تو اس میں اللہ کی کتاب سے معارضہ پیش کرتا ہے۔ حالانکہ رسول اللہ صلی اللہ علیہ وسلم اللہ کی کتاب کو تجھ سے زیادہ جانتے تھے۔‘‘ [1]
x
صفحہعنوان
12فصل اوّل سنت کی طرف مراجعت واجب اور اُس کی مخالفت حرام ہے
12اتباعِ سنت کا حکم قرآن سے:۔
17جملہ اُمور میں اطاعتِ رسول صلی اللہ علیہ وسلم کا حکم احادیث مبارکہ سے!
21ان آیات واحادیث کا منشا
25ہر دور میں عقائد واحکام میں سنت کا اتباع لازم ہے!
26متاخرین کا سنت کو بجائے حکم ماننے کے اسے اپنے وضع کردہ اصولوں پر پیش کرنا
28متأخرین کے ہاں سنت کی اجنبیت:۔
29متاخرین کے مزعومہ جن کی وجہ سے سنّت متروک ہوئی!
30فصل دوم
30حدیث رسول پر قیاس کو مقدم کرناباطل ہے!
32حدیث پر قیاس واصول کی تقدیم کا سبب
34احادیث صحیحہ کی چند مثالیں اُن کی قواعد کی وجہ سے جن کی مخالفت کی گئی!
38فصل سول
38خبر واحد عقائد واحکام میں حجّت ہے!
39ایک شبہ اور اس کا ازالہ
42اخبار آحاد کو حجت تسلیم نہ کرنے کا عقیدہ وہم وخیال پر مبنی ہے!
42عقائد کے متعلق خبرِ واحد سے حجیّت کے وجوب پر دلائل !
43دلیل اوّل :
43دلیل ثانی :۔
44دلیل ثالث:۔
45دلیل رابع:۔
49امام شافعی رحمہ اللہ علیہ خبرِ واحد سے عقیدہ ثابت کرتے ہیں!
50عقیدے کےمتعلق اخبار آحاد سے عدم حجیت نوپید بدعت ہے!
53بہت سی اخبار آحاد سے علم ویقین کا فادہ !
58اخبار آحاد سے افادۂ کا علم کا انکار سنت سے جہالت کے سبب ہے!
60حدیث کے متعلق بعض فقہاء کا موقف اور سنت سے عدم واقفیت کی دومثالیں!
62چوتھی فصل تقلید اور اُسے مذہب ودین بنانا
62تقلید کی حقیقت اور اُس سے تحذیر:۔
64”باب“تقلید اور اس کی نفی کا بیان‘ تقلید اور اتباع میں فرق!
69علم صرف اللہ اور اس کے رسول کے فرمودات کا نام ہے!
73دلیل سمجھنے سےعاجز آدمی کےلیے تقلید کا جواز:
75اہل مذاہب کا اجتہاد سے تصادم اور ہر ایک پر تقلید کو واجب قراردینا
77ائمہ کے لیے تعصب اور ان کی تقلید فرض قرار دینے میں اہل مذہب کی ان سے مخالفت!
78مقلدین میں اختلاف کی کثرت اور محدثین میں اس کی قلت!
83تقلید کے خطرات اور مسلمانوں پر اس کے آثار سیئہ !
84نئی نسل کے فرائض !
Flag Counter