Maktaba Wahhabi

محدث شمارہ 14

مؤلف: حافظ عبد الرحمن مدنی

ناشر: مجلس التحقیق الاسلامی لاہور

سال شائع: مارچ 1972

کفارہ ہے اور جو محرم کے روزے رکھے اسے ہر روزہ کے عوض تیس روزوں کا ثواب ملے گا۔ (یہ روایت اگرچہ اس پائے کی نہیں لیکن ترغیب و ترہیب میں قابلِ استیناس ہے) نیز حضرت علی رضی اللہ عنہ سے روایت ہے کہ: ایک آدمی نے آنحضرت صلی اللہ علیہ وسلم سے سوال کیا کہ رمضان کے بعد میں کس ماہ میں روزے رکھوں ؟ آپ نے فرمایا: محرم کے روزے رکھ! کیونکہ وہ اللہ کا مہینہ ہے، اس میں اللہ تعالیٰ نے ایک قوم کی توبہ قبول کر لی اور ایک اور قوم کی توبہ قبول کرے گا۔ [1] عاشوراء کا روزہ: ماہِ محرم میں روزوں کی فضیلت کے متعلق اگرچہ عمومی طور پر صحیح احادیث وارد ہیں ، جیسا کہ ابھی گزرا لیکن خصوصی طور پر یومِ عاشوراء یعنی دس تاریخ محرم کے بارے میں کثرت سے احادیث آئی ہیں ۔ جو اس دن کے روزے کی بہت فضیلت بیان کرتی ہیں بلکہ بعض روایات کے مطابق رمضان شریف کے روزوں سے قبل عاشوراء کا روزہ فرض تھا۔ (جیسا کہ بعض شوافع کا قول ہے) [2] پھر جب رمضان کے روزے فرض ہوئے تو اس دن کے روزے کی صرف تاکید باقی رہ گئی۔ اب قارئین اس سلسلہ میں وارد احادیث ملاحظہ فرمائیں : عن ابن عباس رضي الله عنهما قال ما رايت النبي صلی اللہ علیہ وسلم يتحري صيام يوم فضله علي غيره الا ھذا اليوم يوم عاشوراء وھذا الشھر يعني رمضان (اخرجه البخاري و مسلم) ابن عباس فرماتے ہیں کہ میں نے نبی صلی اللہ علیہ وسلم کو کسی دن کے روزے کا دوسرے عام دنوں کے روزوں پر افضل جانتے ہوئے ارادہ کرتے ہوئے نہیں دیکھا جس طرح ہ یومِ عاشوراء اور ماہِ رمضان کا (اہتمام کرتے ہوئے دیکھا ہے)۔ عن ابی قتادۃ رضی اللہ عنہ قال سئل عن صوم یوم عاشوراء فقال یکفر
x
صفحہعنوان
3فکر و نظر محرم الحرام
5ماهِ محرم كی شرعی اور تاريخی حيثيت
17حدیث اُطلُبُوا العلم ولو بالصِّین کی تحقیق
20حضرت خواجہ حافظ شیرازی رحمہ اللہ کا ناصحانہ کلام
32اے خدا بخش دے ہم گنہگار ہیں
34سماع۔ امام نابلسی رحمہ اللہ کا نقطۂ نظر
38غم
39محمد مار میڈیوک پکتھال رحمہ اللہ
45انتخاب
47تعارف و تبصرۂ کتب
Flag Counter