| کسے وی تھاں تے کوئی مناظرہ جد وی متھیا گیا گکھڑوی دا ہر مقام تے وادھا پیندا رہیا سب توں پہلاں عبدالحق دے نال مناظرہ ہویا عبدالحق دی ہک تے بہہ کے پانی منہ وچ چویا عیسائیاں دا پادری سی ایہہ بڑا مناظر گویا ماری مار جنے نے ایسی، جیوندا ای سمجھو مویا! ایتھوں شہرت چمکی ہر سو ڈھو قدرت نے ڈھویا ہلچل مچ گئی وچ عیسائیاں آکھن ایہہ کی ہویا پادری عبدالحق دے پلے چیز نہ چھڈی کائی ایسی اللہ فتح عطائی، ہو گئی دنگ لوکائی اس توں پچھے کئی مناظرے کیتے شیر خدا دے شامل حال رہے ہر تھاں تے فضل و کرم اللہ دے کئی مناظرے شیر پنجاب نے ہتھیں آپ کرائے گکھڑوی نے جنّاں اندر فن اپنے دکھلائے گکھڑوی نے اچھروی نوں وی کئی واری ڈھایا پنج ست واری ڈھاء کھا تے فیر نئیں سامنے آیا عبدالغفور ہزاروی نال وی پنجہ خوب پیا سی لتاں بانہواں کجہ اڑایاں پھر اوہ ڈھیہ گیا سی ملاں ملتانی نوں وی کئی واری لمیاں پایا جیہڑا وچ مقابلے آیا پٹڑے تے پٹکایا |