| جیہڑا وچ مقابلے آوے کِدّاں بچ کے جاوے ایسی کرنی سخت گرفت کہ نانی یاد آ جاوے ایسے ٹھوس دلائل وزنی ساہمنے سی جد آندے بڑے بڑے ہشیار مناظر سن کے بوندل جاندے ہر اِک جگہ تے جت دا رہیا مار کِتوں نہ کھادی کئی میدان مناظرے مارے یاد کراوے دادی اللہ بخشے، کہندے ہندے سن کہ یاد پتہ نئیں جِنے میں مناظرے کیتے صحیح تعداد پتہ نئیں جس مضمون تے گفتگو کرنی جس مسئلے تے آناں کئی حدیثاں اَیتاں پڑھ پڑھ مینہ برسائی جاناں مددگار معاون وی کوئی نہ اپنا اپناناں کئی حدیثاں یاد زبانی صفحے وی دسی جاناں فاتحہ، رفع یدین، آمین تے کئی مناظرے کیتے کئی ہزاراں بندے اپنے مسلک دے کر لیتے وعظ جے کیتا کھل کے کیتا خوب توحید سنائی دین دی خدمت اندر اپنی ساری عمر لنگھائی بڈھے وارے وی جذبے وچ فرق نہ آیا کائی گئی جوانی پیری آئی شوق نہ گھٹیا رائی اہل حدیثاں نال مناظرے دی جد نوبت آئی میں کرنا ایں، میں کراں گا، ایہو رٹ لگائی |