تقویٰ کا نور اور گناہوں کی تاریکیاں

قیامت سے پہلے پہلے میں تلوار کے ساتھ مبعوث ہواہوں تاکہ اللہ وحدہ لاشریک کے سوا اور کسی کی عبادت وپرستش نہ ہو،میری روزی میرے نیزے کے سائے میں رکھی گئی ہے،اور ذلت وخواری اس شخص کا مقدر بنادی گئی ہے جس نے میرے حکم کی مخالفت کی،اور جس نے کسی قوم کی مشابہت اختیارکی وہ انہیں میں شمار ہوگا۔

لہٰذا جسے عزت کی خواہش ہو وہ اسے اللہ کی اطاعت میں تلاش کرے کیونکہ عزت اللہ کی اطاعت ہی میں مل سکتی ہے۔بعض سلف اپنی دعاء میں یوں کہا کرتے تھے:’’اے اللہ! مجھے اپنی اطاعت سے عزت عطا فرما اور اپنی نافرمانی سے مجھے ذلیل و رسوا نہ کر‘‘۔

حسن بصری رحمہ اللہ فرماتے ہیں :’’یہ لوگ گرچہ خچر اور(غیر عربی)گھوڑے پر سوار ہوکر شان وشوکت سے چلیں ‘ لیکن گناہوں کی رسوائی ان کے دلوں سے جدا نہیں ہو سکتی‘ اللہ عزوجل اپنے نافرمان کو ذلیل و رسوا کرکے رہے گا۔‘‘[1]