| امام ابن ماجہ نے روایت ِ مذکورہ کی سند یوں نقل کی ہے : (( عَنْ جَابِرٍ الْجُعْفِيِّ عَنْ أَبِيْ الزُّبَیْرِعَنْ جَابِرٍ )) [1] ’’جابر جُعفی سے ، ابو الزبیر سے ، حضرت جابر رضی اللہ عنہ سے مروی ہے ۔‘‘ یہ سند بلفظہٖ جمیع قدیم و جدید قلمی و مطبوعہ نسخوں میں منقول ہے۔ امام ابن ماجہ کے علاوہ امام طحاوی حنفی، حافظ ابن عبد البر اور حافظ بیہقی نے اپنی سنن میں عَنْ جَابِرٍ الْجُعْفِیِّ عَنْ اَبِی الزُّبَیْرِ عَنْ جَابِرٍ سے ہی ذکر کی ہے بلکہ خود امام زیلعی حنفی نے نصب الرایۃ فی تخریج احادیث الہدایہ ( ص : ۳۲۷) میں اس سند کو یوں ذکر کیا ہے : ( حَدِیْثُ جَابِرٍ اَخْرَجَہٗ ابْنُ مَاجَۃَ فِيْ سُنَنِہٖ عَنْ جَابِرٍالْجُعْفِيِّعَنْ أَبِي الزُّبَیْرِ عَنْ جَابِرٍ رضی اللّٰه عنہ ) [2] ’’ حضرت جابر رضی اللہ عنہ سے مروی حدیث کو امام ابن ِ ماجہ نے اپنی سنن میں عَنْ جَابِرٍ الْجُعْفِيِّعَنْ أَبِي الزُّبَیْرِ عَنْ جَابِرٍکے طریق سے روایت کیا ہے۔‘‘ لیکن مولوی فخر الحسنؒ صاحب گنگوہی رکن رکین ِدیوبندنے ابن ماجہ مطبوعہ فاروقی دہلی کی تصحیح کرتے ہوئے اپنی طرف سے اس میں ایک واؤ بڑھا کر اس سند کو یوں کر دیا : ( عَنْ جَابِرٍالْجُعْفِيِّ وَعَنْ أَبِي الزُّبَیْرِعَنْ جَابِرٍ رضی اللّٰه عنہ ) ’’ جابر جُعفی اور حضرت ابی الزبیر رحمہ اللہ دونوں حضرت جابر رضی اللہ عنہ سے ۔‘‘ |