Maktaba Wahhabi

خوشگوار زندگی کے 12 اصول

مؤلف: ڈاکٹر حافظ محمد اسحاق زاہد

ناشر: توحید پبلیکیشنز بنگلور

سال شائع: 2007

اس آیت میں اللہ تعالیٰ نے اہلِ ایمان کو مخاطب کرتے ہوئے حکم دیا ہے کہ وہ ہر قسم کی مشکل اور پریشانی کے ازالے کیلئے صبر اور نماز کے ذریعے اس سے مدد طلب کریں، اس سے یہ معلوم ہوا کہ اللہ تعالیٰ صبر کرنے والے اور نماز پڑھنے والے بندۂ مومن کی مدد فرماتا ہے ، اور اسے تمام مشکلات سے نجات دیتا ہے ، گویا نماز دکھوں اور صدموں کا مداوا ہے ، نماز ادا کرنے سے دلوں کو اطمینان نصیب ہوتا ہے ، اور غموں کا بوجھ ہلکا ہوتا ہے ، اسی لیئے مسنداحمدوسنن نسائی میں ہے کہ رسول اللہ صلی اللہ علیہ وسلم نے فرمایا : (( … وَجُعِلَتْ قُرَّۃُ عَیْنِیْ فِی الصَّلٰوۃِ )) ( احمد ، نسائی ، صحیح الجامع للألبانی : ۳۱۲۴) ’’ میری آنکھوں کی ٹھنڈک نماز میں رکھی گئی ہے ‘‘ ۔ ایک عبرتناک قصہ حافظ ابن عساکر ؒ نے تاریخِ دمشق میں ذکر کیا ہے کہ ایک فقیر آدمی اپنے خچر پر لوگوں کو لاد کر دمشق سے زیدانی تک پہنچاتا اور اس پر کرایہ وصول کرتا تھا ، اس نے اپنا ایک قصہ بیان کیا کہ ایک مرتبہ میرے ساتھ ایک شخص سوار ہوا ، وہ راستے میں مجھ سے کہنے لگا : یہ راستہ چھوڑ دو ، اور اُس راستے سے چلو ، کیونکہ اس سے ہم اپنی منزلِ مقصود تک جلدی پہنچ جائیں گے ، میں نے کہا : نہیں، میں وہ راستہ نہیں جانتا ، اور یہی راستہ زیادہ قریب ہے ، اس نے کہا : وہ زیادہ قریب ہے ، اور تمھیں اسی سے جانا ہو گا ، چنانچہ ہم اسی راستے پر چل پڑے ، آگے جاکر ایک دشوار گذار راستہ آگیا جو ایک گہری وادی سے گزرتا تھا ، اور وہاں بہت ساری لاشیں پڑی ہوئی تھیں، اس نے کہا : یہاں رک جاؤ ، میں رک گیا ، وہ نیچے اترا ، اور اترتے ہی چھری سے مجھ پر حملہ آور ہوا ، میں بھاگ اٹھا ، میں آگے آگے اور وہ میرے پیچھے پیچھے ، آخر کار میں نے اسے اللہ کی قسم دے کر کہا : خچر اور اس پر لدا ہوا میرا سامان تم لے لو اور میری جان بخش دو ، اس نے کہا : وہ تو میرا ہے
x
صفحہعنوان
5تقدیم
7تمہید
9خوشگوار زندگی کے 12 اصول
9پہلا اصول : ایمان وعمل
13دوسرا اصول : شکر
15تیسرا اصول : صبر
17چوتھا اصول : تو بہ واستغفار
19پانچواں اصول : تقویٰ
22چھٹا اصول : نماز
23ایک عبرتناک قصہ
25ساتواں اصول : دعا
30پریشانی اور صدمے کے وقت کی دعائیں
33آٹھواں اصول : ذکرِ الٰہی
35نواں اصول : توکّل
36دسواں اصول : فارغ اوقات میں علومِ نافعہ کا مطالعہ
38گیارہواں اصول : قناعت
39بارہواں اصول : مسلمانوں کی پریشانیاں دور کرنا
Flag Counter