رسالہ نجاتیہ در عقائد حدیثیہ

یا نفی میں کتاب و سنت کی اقتدا لازم ہے (۶)

وہ ایک ہے ،ازل سے ابد تک موجود ہے ،جملہ صفاتِ کمال کے ساتھ

.........................................................................................

(۶) اثباتی صفات میں سے ،جیسے اللہ تعالیٰ نے فرمایا:

﴿أَنَّ اللَّهَ بِكُلِّ شَيْءٍ عَلِيمٌ﴾ (البقرہ:۲۳۱)

اسی طرح مزید فرمایا:

﴿أَنَّ اللَّهَ سَمِيعٌ بَصِيرٌ (الحج:۷۵)

اور دیگر اثباتی صفات کتاب میں آگے آرہی ہیں ۔اور وہ صفات جن کی اللہ تعالیٰ نے اپنی ذات سے نفی کی ہے جیسے :

﴿لَا تَأْخُذُهُ سِنَةٌ وَلَا نَوْمٌ ﴾ (البقرۃ:۲۵۵)

’’اللہ تعالیٰ کو نہ نیندآتی ہے اور نہ اونگھ‘‘

﴿ وَمَا مَسَّنَا مِنْ لُغُوبٍ﴾ (ق:۳۸)

""اور ہم کو تھکاوٹ نہیں پہنچتی۔‘‘

سیدنا ابوموسی رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا:بے شک اللہ تعالیٰ نہیں سوتااور سونا اس کے لائق بھی نہیں ہے۔[1]

سیدنا ابن عمر رضی اللہ عنھما سے روایت ہے کہ نبی کریم صلی اللہ علیہ وسلم نے فرمایا:

’’اللہ تعالیٰ کانا نہیں ہے۔‘‘[2]

نفی کی صفات کا قانون یہ ہے کہ جس میں نقص کی نفی ہو اور غیرکی مثل ہونے سے نفی کی جائے ۔[3]

یاد رہے کہ اثباتی صفات میں کمالات کا اثبات ہوتا ہے اور صفات سلبیہ میں نقائص کی نفی ہوتی ہے۔