روزہ جو ایک ڈھال ہے

اگر اُس نے ایسا کیا تو اُس کا اعتکاف باطل ہوجائے گا۔ البتہ اپنے جسم کے بعض اعضاء کا مسجد سے نکالنا اُسے نقصان نہیں دے گا۔ جیسے کہ دھونے اور کنگھی کرنے کے لیے سر کا مسجد کی حد سے باہر نکالنا۔ [1] اور اسی طرح اس کے لیے یہ بھی جائز ہے کہ وہ اپنی حوائج ضروریہ کے لیے مسجد کے دروازے کی طرف نکل جائے۔(جیسے آج کل حرمین شریفین کے دروازوں سے باہر نیچے تہہ خانہ میں بیت الخلاء ہیں اور کھانے کی جگہیں اُن سے بھی دُور ہیں)اور معتکف کی بیوی کا اس کی اعتکاف والی جگہ پر اُسے دیکھنے اور گفتگو کرنے کے لیے آنا بھی جائز ہے۔ [2]