مشروع اور ممنوع وسیلہ کی حقیقت

اور تیرا دشمن خوش ہو‘اور تیرا بندہ ہلاک ہو۔

اے اﷲ!عرب میں جب کوئی سردار مرتا ہے تو اس کی قبر پر غلام آزاد کرتے ہیں ‘اور یہ سیّد العالمین ہے اے ارحم الراحمین ‘مجھے ان کی قبر پر آزاد کردے۔‘‘

حاضرین قبر میں سے کسی نے اس دیہاتی سے کہا:’’اے عرب بھائی تیرے اس بہترین سوال پر اﷲنے تجھے بخش دیا۔‘‘

۱۴۔ بیہقی نے حضرت انس رضی اﷲعنہ سے روایت کی ہے کہ ایک دیہاتی نبی صلی اﷲعلیہ وسلم کے پاس بارش طلب کرنے کے لئے آیا اور یہ اشعار پڑھے:

اتیناک والعذراء یدمی لبانھا وقد شغلت ام الصبی عن الطفل

ہم آپ کے پاس اس حالت میں آئے کہ کنواریوں کے سینے خون آلود تھے ‘اور بچے کی ماں اپنے بچے سے بے پرواہ ہوچکی تھی

و لیس لنا ا لا الیک فرارنا وانی فرار الخلق الا الی الرسل

اور ہمارے لئے تیری طرف بھاگ آنے کے سوا کوء چارہ نہیں تھا ‘اور لوگ رسولوں کے سوا کس کے پاس بھاگ کر جائیں

ان اشعار پر آپ نے کوئی اعتراض نہیں کیا ‘بلکہ حضرت انس کا بیان ہے کہ جب دیہاتی نے یہ اشعار پڑھے تو آپ اپنی چادر گھسیٹتے ہوئے منبر پر تشریف لائے اور خطبہ دیا ‘اور لوگوں کے لئے بارش کی دعا کرتے رہے۔