Maktaba Wahhabi

کتاب التوحید عقیدہ توحید اور دین خانقاہی ( صوفی ازم )

مؤلف: محمد اقبال کیلانی

ناشر: حدیث پبلیکیشنز لاہور

(۲)عزت نفس اور خودی کا تحفظ شرک انسانوں کو بے شمار خیالی اور وہمی قوتوں کے خوف میں مبتلا کردیتا ہے ‘دیوی دیوتاؤں کا خوف‘مظاہر قدرت کا خوف‘بھوت پریت اور جنات کا خوف ‘زندہ اور مردہ انسانوں کے آستانوں کا خوف ‘جابر اور قاہر حکمرانوں کا خوف ‘اسی خوف کے نتیجے میں انسان ایسی اخلاقی اور مذہبی پستیوں میں گرتا چلاجاتا ہے کہ آدمیت اور انسانیت منہ چھپانے لگتی ہے ‘جبکہ عقیدہ توحید انسا ن کو ایسی تمام واہمی اور خیالی قوتوں کے خوف سے بے نیاز کرکے روح اور جسم کوآزادی عطا کرتا ہے انسان کو عزّتِ نفس اور احترام آدمیت کا احساس دلاتا ہے ‘ہر آن اسے وَلَقَدْ کَرَّمْنَا بَنِیْ آدَمَ (یعنی ہم نے بنی آدم کو بزرگی عطا فرمائی ہے)اور لَقَدْ خَلَقْنَا اْلاِنْسَانَ فِیْ أَحْسَنِ تَقْوِیْمٍ (یعنی ہم نے انسان کو بہترین ساخت پر پیدا کیا ہے)کا فرمان الٰہی یاد دلاتا رہتا ہے یہی عقیدہ توحید انسان کو خودی کے بلند مقام پر لاکھڑا کرتا ہے ‘حکیم الامت علامہ اقبال نے اس نکتے کی ترجمانی درج ذیل شعر میں بڑے خوبصورت انداز میں کی ہے ۔ خودی کا سرِّ نہاں لَااِلٰــہَ اِلاَّااللّٰه خودی کاتیغ فشاں لَااِلٰــہَ اِلاَّااللّٰه مساوات اور عدل اجتماعی عقیدۂ توحید ہی یہ تصور بھی پیش کرتا ہے کہ ساری مخلوق کا خالق ‘رازق اور مالک صرف اللہ وحدہ لاشریک ہی ہے اسی نے آدم کو مٹی سے بنایا اور باقی تمام انسان آدم علیہ السلام سے پیدا کئے ‘خواہ کوئی مشرق میں ہے یامغر ب میں ‘امریکہ میں ہے یا افریقہ میں ‘کالا ہے یا گورا ‘سفید ہے یا سرخ ‘عربی ہے یا عجمی سب ایک ہی آدم کی اولاد ہیں سب کے حقوق یکساں ہیں سب کی عزت اور احترام یکساں ہیں ۔کوئی کسی کو اپنا محکوم نہ سمجھے کوئی کسی کو اپنا غلام نہ بنائے کوئی کسی پر ظلم اور زیادتی نہ کرے کوئی کسی کو حقیر اور کمتر نہ جانے کوئی کسی کا حق غصب نہ کرے ساری خلقت ایک ہی درجہ کے انسان ہیں ‘لہٰذا سارے انسان صرف ایک ہی معبود کے آگے جھکیں ‘صرف ایک ہی ذات کے حکم اور قانون کے آگے سر تسلیم خم کریں ‘صرف ایک ہی ہستی کے غلام اور بندے بن کر رہیں ۔عقیدۂ توحید کی اس تعلیم نے اسلامی معاشرے میں ذات پات ‘غلامی اور محکومی ‘ظلم اور استحصال ‘
x
صفحہعنوان
4وہ ایک کلمہ ہے لَااِلٰہَ اِلاَّاللّٰه
11عقیدہ توحید کی وضاحت
121۔توحید ذات
141۔ توحید ِعبادت
163۔توحید صفات
19عقیدہ توحید بنی نوع انسان کے لئے سب سے بڑی رحمت ہے :
20استقامت اور ثابت قدمی
22(۲)عزت نفس اور خودی کا تحفظ
22مساوات اور عدل اجتماعی
23روحانی سکون
24عقیدۂ شرک بنی نوعِ انسان کے لئے سب سے بڑی لعنت
26اسلامی انقلاب اور عقیدۂ توحید
36شرک کے بارے میں چند اہم مباحث
37۲۔مشرکین اپنے معبودوں کے اختیارات عطائی سمجھتے تھے
37۳۔قرآن مجید کی اصطلاح مِنْ دُوْنِااللّٰه <mfnote> کیا مراد ہے؟
42مشرکین کے دلائل اور ان کا تجزیہ
42پہلی دلیل اور اس کا تجزیہ
48دوسری دلیل اور اس کا تجزیہ :
54تیسری دلیل اور اس کا تجزیہ
59اسباب شرک
59۱۔جہالت
61۲۔ہمارے صنم کدے
63۳۔دین خانقاہی
68پاکستان بھر میں منعقد ہونے والے عرسوں کی تفصیل
68عیسوی مہینوں میں عرسوں کی تعداد:
68بکری مہینوں میں عرسوں کی تعداد:
70۴۔فلسفہ وحدت الوجود ‘وحدت الشہود اور حلول
76(۱) رسالت
77(ب) قرآن وحدیث
77(ج) عبادت اور ریاضت
79(د) جزا وسزا
79(ھ)کرامات
81(و)باطنیت
83ہندو پاک کا قدیم مذہب ‘ہندو مت
84(الف) ہندو مذہب میں عبادت اورریاضت کے طریقے
86(ب) ہندو بزرگوں کے مافوق الفطرت اختیارات
87(ج) ہندو بزرگوں کی بعض کرامات
89۶۔حکمران طبقہ
93پس چہ باید کرد؟
Flag Counter