Maktaba Wahhabi

حدیث سبعہ احرف کا عمومی جائزہ

مؤلف: ڈاکٹر ناصر بن سعد القثامی

ناشر: کلیۃ القرآن الکریم والتربیۃ الاسلامیہ ادارۃ الاصلاح ٹرسٹ پاکستان

مترجم: ڈاکٹر محمد اسلم صدیق

فصل دوم: فقہ الحدیث بحث اول: سات حروف میں قراء ۃ کی اجازت،اس کی ضرورت ، ان کا دور ِنزول، ان کے ذریعے اختلاف کا حل حضرت عمر فاروق رضی اللہ عنہ اور ہشام بن حکیم رضی اللہ عنہ کی حدیث سے یہ حقیقت مبرہن ہو جا تی ہے کہ حروف اور مختلف وجوہ ِقراء ات کا اختلاف اللہ تعالیٰ کی طرف سے اپنے پیغمبرمحمد کریم صلی اللہ علیہ وسلم کے قلب اطہر پر نازل کیا گیا تھا۔اس کی واضح دلیل رسول اکرم صلی اللہ علیہ وسلم کے یہ الفاظ ہیں:ہکذا أنزلت جو آپ نے حضرت عمر رضی اللہ عنہ اور ہشام رضی اللہ عنہ دونوں کی قراء ۃ کو سن کر ارشاد فرمائے تھے۔ اس کے ساتھ یہ حدیث اس حقیقت کو بھی واضح کر رہی ہے کہ عمر فاروق رضی اللہ عنہ اور ہشام بن حکیم رضی اللہ عنہ کے درمیان مختلف فیہ وجوہ ِقراء ات کا تعلق ان سات حروف سے ہے جو امت کی آسانی کے لئے آسمان سے نازل کئے گئے تھے۔ امام ابن حجر رحمہ اللہ لکھتے ہیں: ’’ نبی صلی اللہ علیہ وسلم کا فرمان: فاقرؤوا ما تیسر منہ ’’ اس میں سے جیسے آسان لگے، پڑھ لو۔‘‘ ضمیر کا مرجع قرآن کریم ہے اور مقصد اس کی کیفیت واضح کرنا ہے کہ قاری کو قرآن کریم میں سے جو قراء ۃ مستحضر اور اچھی طرح یاد ہو اسے پڑھ لے۔ ‘‘[1] شارع حکیم کی طرف سے سات حروف میں قراء ۃ ِ قرآن کی اجازت کا مقصد یقینا امت کے لئے آسانی اور وسعت فراہم کرنا تھا۔جس کتاب متعدد انداز اور طریقوں سے پڑھنے کی اجازت ہو ، ظاہر ہے کہ وہ اس کی نسبت کی زیادہ آسان ہو گی جسے ایک ہی انداز سے پڑھنے کا حکم ہو۔ چنانچہ امام ابن قتیبہ رحمہ اللہ نے لکھا ہے: ’’ فکان من تیسیرہ أن أمرہ بأن یقرئ کل قوم بلغتہم ، وما
x
صفحہعنوان
6تقدیم
9موضوع کی ضرورت و اہمیت
10اغراض و مقاصد
11تحقیق کا لائحہ عمل / خاکہ
16نبی صلی اللہ علیہ وسلم کا صحابہ کرام رضی اللہ عنہم کو قراء ات اور حروف سبعہ کی تعلیم دینا
25ہشام بن حکیم کا مقام ومرتبہ اور قراء ات میں ان کا کردار
27مبحث اول:مذکورہ حدیث کی روایات اور الفاظ کے معانی
31پہلا اصول:…
32دوسرا اصول:…
34تیسرا اصول:…
36چہارم اصول:…
37پانچواں اصول:…
40چھٹااصول:…
41ساتواں اصول:…
44Indication of Hadith )
44پہلی دلالت:
48دوسری دلالت:
50تیسری دلالت
52پہلا فائدہ:
54دوسرا فائدہ:
55تیسرا فائدہ:
55چوتھا فائدہ
56پانچواں فائدہ
56چھٹا فائدہ
68بحث اول: سات حروف میں قراء ۃ کی اجازت،اس کی ضرورت ، ان کا دور ِنزول، ان کے ذریعے اختلاف کا حل
111پہلا مطلب:حرف اور حروف سبعہ کا مفہوم
116سات حروف کے مفہوم کے متعلق علماء کے مختلف اقوال
117زیر بحث حدیث سے متصادم اقوال کا تجزیہ
Flag Counter