Maktaba Wahhabi

حدیث سبعہ احرف کا عمومی جائزہ

مؤلف: ڈاکٹر ناصر بن سعد القثامی

ناشر: کلیۃ القرآن الکریم والتربیۃ الاسلامیہ ادارۃ الاصلاح ٹرسٹ پاکستان

مترجم: ڈاکٹر محمد اسلم صدیق

ابو عبید قاسم بن سلام نے اس روایت کو نقل کرنے کے بعد ان الفاظ میں اس پر تبصرہ کیا ہے: ’’میں نے اس حدیث کو اچھی طرح سمجھ لیا ہے۔ اور میں پورے یقین سے یہ کہہ سکتا ہوں کا اس حدیث کا زیر بحث سبعہ أحرف سے کوئی تعلق نہیں ہے۔ اس حدیث کا اس کے سوا کوئی مطلب نہیں ہے کہ قرآن کریم سات قسم کے مضامین پر نازل ہوا ہے۔اس کے برعکس أنزل القرآن علی سبعۃ أحرف کی احادیث میں حروف کا سوائے لغات کے کوئی دوسرا مفہوم نہیں لیا جا سکتا۔کیونکہ اس سلسلہ کی ہر حدیث اپنے معنی میں بالکل واضح ہے اور اس کے سوا کوئی دوسری تاویل قبول نہیں کرتی۔آپ عمرفاروق رضی اللہ عنہ کے ان الفاظ پر غور نہیں کرتے کہ’’ میں نے ہشام بن حکیم رضی اللہ عنہ کوسورۃ فرقان پڑھتے ہوئے سنا ، ان کا پڑھنے کا انداز میرے انداز سے مختلف تھا۔‘‘کیا ان الفاظ سے واضح نہیں ہوتا کہ ان کا اختلاف طرز ِقراء ت میں تھا، جس میں تلفظ اور آواز کا فرق ہوتا ہے؟جہاں تک تفسیر و معانی کا معاملہ ہے ، اس میں انہوں نے اختلاف نہیں کیا۔‘‘ [1] امام طحاوی نے احمد بن عمران کے حوالہ سے لکھا ہے: ’’جن لوگوں نے سبعۃ أحرف کا مصداق سات قسم کے مضامین کو قرار دیا ہے ، ان کا نقطہ نظر فاسد ہے۔کیونکہ یہ ممکن ہی نہیں ہے کہ ان میں سے ایک حرف حرام ہو اور اس کے علاوہ کچھ نہ ہو۔ یا حلال ہو اور اس کے سوا کچھ نہ ہو۔اور اس لئے بھی کہ بات قطعا جائز نہیں ہے کہ قرآن کو اس حیثیت سے پڑھا جائے کہ وہ سب کا سب حلال ہو یا اس حیثیت سے کہ وہ سب کا سب حرام یا اس حیثیت سے کہ وہ سب کا سب ضرب امثال ہو۔‘‘ [2] امام ابو شامہ نے لکھا ہے:
x
صفحہعنوان
6تقدیم
9موضوع کی ضرورت و اہمیت
10اغراض و مقاصد
11تحقیق کا لائحہ عمل / خاکہ
16نبی صلی اللہ علیہ وسلم کا صحابہ کرام رضی اللہ عنہم کو قراء ات اور حروف سبعہ کی تعلیم دینا
25ہشام بن حکیم کا مقام ومرتبہ اور قراء ات میں ان کا کردار
27مبحث اول:مذکورہ حدیث کی روایات اور الفاظ کے معانی
31پہلا اصول:…
32دوسرا اصول:…
34تیسرا اصول:…
36چہارم اصول:…
37پانچواں اصول:…
40چھٹااصول:…
41ساتواں اصول:…
44Indication of Hadith )
44پہلی دلالت:
48دوسری دلالت:
50تیسری دلالت
52پہلا فائدہ:
54دوسرا فائدہ:
55تیسرا فائدہ:
55چوتھا فائدہ
56پانچواں فائدہ
56چھٹا فائدہ
68بحث اول: سات حروف میں قراء ۃ کی اجازت،اس کی ضرورت ، ان کا دور ِنزول، ان کے ذریعے اختلاف کا حل
111پہلا مطلب:حرف اور حروف سبعہ کا مفہوم
116سات حروف کے مفہوم کے متعلق علماء کے مختلف اقوال
117زیر بحث حدیث سے متصادم اقوال کا تجزیہ
Flag Counter