| ٭ عائشہ رضی اللہ عنہا نے ایسے کپڑے پہننے سے عورت کو منع کیا جس میں صلیب کا نشان تھا۔ [1] ٭ عائشہ رضی اللہ عنہا نے ایک بچی کے بالوں کو ڈھانپا۔[2] ٭ زینب بنت ابی سلمہ نے بچی کا نام برہ رکھنے سے منع کیا۔ [3] ٭ بریرہ رضی اللہ عنہ نے عبدالملک بن مروان کو خلافت کے وقت خون بہانے پر ڈرایا۔ [4] ٭ عمرہ الانصاریہ نے حسین رضی اللہ عنہ کو خروج سے منع کیا (کہ وہ کوفہ نہ جائیں )[5] ٭ سعد بن معاذ کی ماں نے اپنے بیٹے کو حکم دیا کہ وہ جلدی مسلمانوں کے لشکر سے جاملیں۔[6] ٭ صفیہ رضی اللہ عنہا نے عراقی عورتوں کو گھڑے میں نبیذ (شراب) کے بارے میں کثرت سے سوال کرنے منع کیا۔[7] ٭ معرکہ یرموک میں مسلمان عورتوں نے اپنے اپنے گھر والوں کو بھاگنے پر ڈانٹا۔ [8] ٭ حفصہ بنت سیرین نے جوانوں کو اپنی جوانی کو غنیمت جاننے کا حکم دیا۔[9] ٭ ام الدرداء نے عبدالملک بن مروان کے خادم کو گالی دینے سے روکا۔ [10] الغرض! نیکی کا حکم کرنا اور برائی سے روکنا صرف مردوں پر ہی فرض نہیں بلکہ عورتوں پر بھی ان کے دائرہ کار میں رہ کر اپنی استطاعت کے مطابق فرض وواجب ہے۔ اللہ تعالیٰ ہمیں اس واجب کو قابل عمل بنانے اور اس کو پورا کرنے کی توفیق دے۔ آمین 2۔ نیکی کا حکم کرنے کے ساتھ خود بھی اس پر عمل کرنا اور برائی سے روکنے کے ساتھ خود بھی رُکنا: تبلیغ قرآن کے سلسلہ میں جہاں نیکی کا حکم کرنا اور برائی سے روکنا انتہائی اہمیت کا حامل ہے کہ پہلے نیکی سے روشناس کروا کر اس کے ثمرات بیان کیے جائیں اور برائی پر تنبیہ کرکے |