Maktaba Wahhabi

اسلام میں فاضلہ دولت کا مقام

مؤلف: مولانا عبد الرحمٰن کیلانی

ناشر: مکتبۃ السلام، لاہور

پیشِ لفظ اسلام کے معاشی نظام کے اہم مسائل میں سے ایک مسئلہ یہ بھی ہے کہ اسلام میں فاضلہ دولت کا صحیح مقام کیا ہے ؟آج کے دورمیں یہ مسئلہ اور بھی زیادہ اہمیت اختیار کرگیا ہے ۔وجہ یہ ہے کہ اس وقت پوری دنیا دو دھڑوں میں بٹی ہوئی ہے ۔ ایک طرف روس ہے جو اشتراکیت کا علمبردار ہے ۔یہ نظریہ فاضلہ دولت تو درکنار کسی شخص کے حق ملکیت كو ہی تسلیم کرنے کے لیے تیار نہیں خواہ اس ملکیت کا تعلق نقدی سے ہویامکان سے۔اورزمین کی ملکیت تو بہت دور کی بات ہے ۔دوسری طرف امریکہ ہے جو سرمایہ داری وسرمایہ پرستی کا علمبردار ہے اور انفرادی ملکیت اور حصولِ دولت کا اس قدر محافظ ہے کہ ا س کے نزدیک حصولِ دولت کا ہر وہ طریقہ جائزاور درست ہے جو قانونی گرفت میں نہ آسکتاہو خواہ وہ طریقہ حصولِ دولت انسانی اخلاقیات کے لیے کتنا ہی مہلک کیوں نہ ہو ۔ امریکہ نوازحکومتیں ایسے سرمایہ داروں اور ایسی سرمایہ داری دونوں کو پورا تحفظ عطاکرتی ہیں ۔انہیں اگر کچھ غرض ہے توصرف اس بات سے کہ عوام اس کے عائد کردہ ٹیکس ٹھیک طورسے اداکیا کریں‘باقی سب کچھ ٹھیک ٹھاک ہے ۔ دنیا کے اکثر ممالک انہی دودھڑوں میں بٹے ہوئے ہیں ۔اسلام ان دونوںمتضاد او رانتہا پسندانہ نظریات کا دشمن ہے اور ان دونوں کے درمیان عدل واعتدال کی راہ اختیار کرتاہے تاہم آج کا مسلمان ان دونوں نظریات میں سے کسی ایک سے اثر پذیر ہوئے بغیر نہ رہ سکا ۔جو لوگ اشتراکیت کے حامی ہیں انہوں نے جب دیکھا کہ قرآن انفاق فی سبیل اللہ پربہت زور دیتاہے حتیٰ کہ ضرورت سے زیادہ ہر چیز کو انفاق کے زمرہ میں شمار کرتاہے تو انہوں نے نعرہ لگایا کہ اشتراکیت ہی عین اسلام ہے ۔مزید برآں اسلام سود کو قطعی حرام قرار دیتاہے جس کی امتیازی خصوصیت یہ ہے کہ سود کے معاملہ میں ایک فریق کا فائدہ اور دوسرے کا نقصان یقینی ہوتاہے تو انہوں نے ہر اس معاملہ کو جس میں ایک کسی فریق کو فائدہ پہنچنے کا زیادہ امکان ہو‘ سود پرہی منطبق کرکے اس کی حرمت کا فتویٰ دے دیاجیسے زمین کی بٹائی یا ٹھیکہ اور مکانوں یا دکانوں کے کرایہ جات وغیرہ اور حد یہ ہے کہ کچھ نیک نیت مسلمان بھی کم ازکم مزارعت کی حدتک اس کے عدمِ جواز کا فتویٰ دینے لگے ۔ یہ درست ہے کہ اسلام میں فاضلہ دولت کوکچھ مستحسن چیزنہیں سمجھا گیا تاہم خود قرآن نے ہی اس فاضلہ دولت کو ’’خیر‘‘کے لفظ سے بھی یاد کیا ہے جس کا واضح مطلب یہ ہواکہ فاضلہ دولت فی نفسہٖ مذموم چیزنہیں بلکہ
x
صفحہعنوان
3پیشِ لفظ
5نماز کی مثال:
6کم استعداد والوں کے لیے مراعات:
6زیادہ استعداد والوں کے لیے ترغیبات :
7ترغیبات کی حد:
9زکوٰۃ کی مثال :
9واجبی صدقات:
10اختیاری صدقات :
10صدقات کا بلند ترین درجہ:
11صدقہ کی آخری حد:
14فاضلہ دولت یا اکتناز کے حق میں دلائل
15۲۔دوسری دلیل: احکام میراث:
15۳۔ارکانِ اسلام کی بجاآوری:
16۵۔دولت مندی بشرطِ تقویٰ:
16تعامل صحابہ کرام رضی اللہ تعالیٰ عنہم
16۱۔حضرت عبد الرحمن بن عوف رضی اللہ تعالیٰ عنہ (م۳۱ھ)
17۲۔حضرت زبیر بن عوام رضی اللہ تعالی عنہ (م۳۶ھ)
18۳۔حضرت طلحہ بن عبیداللہ رضی اللہ تعالی عنہ ۔م۳۶ھ:
19۴۔حضرت عثمان بن عفان ۔م۔۳۵ھ
20۱۔آیۂ اکتناز اور اختلاف صحابہ رضی اللہ تعالی عنہم:
21۲۔قرآن کا اندازِ بیان :
21۳۔انفاق فی سبیل اللہ کے تاکیدی احکام :
21۴۔رسول اللہ صلی اللہ علیہ وسلم کے لئے اللہ تعالیٰ کی ہدایت :
22۵۔ضرورت سے زائد مال:
24اسوۂ حسنہ
28۸۔ امہات المؤمنین کا کردار :
29خلفائے راشدین اور فاضلہ دولت
29۱۔حضرت ابو بکر صدیق رضی اللہ تعالیٰ عنہ :
30۲۔ حضرت عمر فاروق رضی اللہ تعالیٰ عنہ:
32۴۔ حضرت عمر بن عبد العزیز (101ھ)
33تعامل صحابہ رضی اللہ تعالیٰ عنہم
33ابو ذر غفاری رضی اللہ تعالیٰ عنہ 33ھ:
35نتائج:
37دورنبوی صلی اللہ علیہ وسلم میں معیشت
39آسودگی کا دور
39۱۔ افراط زر:
41۲۔دولت کی نامناسب تقسیم کی وجہ سے طبقاتی تقسیم:
45۴۔ حکومت محتاجوں کی کفالت کیونکر کر سکے گی؟
48جاگیر داری:
49زر خرید زمین:
49جاگیر بطور عطایا:
50جہاں تک مقاصد کا تعلق ہے تو وہ دو ہی ہو سکتے ہیں۔
50بنجر زمین کی آبادکاری:
51آباد کاری کے اصول:
52ناجائز جاگیروں کی واپسی:
52غیر آباد جاگیروں کی واپسی:
53تحدید ملکیت کی شرائط:
54زمین سے استفادہ کی مختلف صورتیں :
56عدم جوازِ مزارعت کی احادیث
59حضرت ابو ہریرہ رضی اللہ تعالیٰ عنہ کی مرویات :
61عدم جواز مزارعت کی توجیہات
62توجیہ نمبر ۲ :مزارعت میں جھگڑا:
63تطبیقات :حضرت عبداللہ بن عبا س رضی اللہ تعالیٰ عنہ کی تطبیق:
65مزارعت کے قائلین اور منکرین کے دلائل کا موازنہ
67تطبیق کی نئی صورتیں:
69ایک اہم سوال؟
Flag Counter