|
مرن والے نوں بندہ بندہ پیا رووے
جنازہ جے ہوئے تے ایسا ای ہووے
میری موت ہندی ایہہ دل چاوندا سی
ایسی موت اُتے رشک آوندا سی
بہت باکمال اوہ عجب ہے سی بندہ
اوہ ہر اک دے بہت ای قریب ہے سی بندہ
بہت خوبیاں سی خدا نے عطایاں
صلاحیتاں جیویں ورثے چے پایاں
مفکر مدبر خطیب و مناظر
جتھے لوڑ پے گئی رفیق اوتھے حاضر
تعلق مطالعہ دا ایتھوں تیک اے
جیہڑا مسئلہ مضمون دے دوو ٹھیک اے
پِچھے اپنے مضمون دے ایداں پیناں
معلوم ہوناں جیویں منا کے ای رہناں
صحت اپنی دی نہ پرواہ کھاندے
جتھے جانا ہوندا اوتھے پہنچ جاندے
ایسے حال اندر دتی جان پیاری
گھروں آئے جلسے دی کر کے تیاری
جڑانوالے میں تے اوہناں سی جاناں
مگر آگیا سی ایہہ حکم رباناں
|