Maktaba Wahhabi

دروس و خطبات

مؤلف: اسعد اعظمی

سال شائع: 2011

میں اس مسئلے پر غور وخوض ہوا، قریش کے ایک معمر شخص ابوامیہ بن مغیرہ نے یہ تجویز رکھی کہ اس اختلاف کو دور کرنے کے لیے سب لوگ اس بات پر اتفاق کریں کہ کل جو پہلا شخص اس مسجد حرام میں داخل ہوگا سب لوگ اسی کے حکم کو تسلیم کریں گے اور وہ اس سلسلے میں جو بھی فیصلہ کرے گا اسے بے چوں وچرا قبول کریں گے، تمام قبیلے والوں نے اس رائے سے اتفاق کیا، حسن اتفاق ایسا کہ سب سے پہلے مسجد حرام میں داخل ہونے والے جناب محمد صلی اللہ علیہ وسلم تھے، انہیں دیکھتے ہی سب کے سب بیک زبان بول اٹھے:’’ہذا الامین رَضِیْنَا، ہذا محمد‘‘ یہ امین ہیں، یہ محمد ہیں، ہم ان کے فیصلے پر راضی ہیں، اللہ کے رسول صلی اللہ علیہ وسلم جب ان کے پاس پہنچے تو انہوں نے آپ کو اس پورے واقع سے باخبر کیا اور آپ کو اس فیصلے سے مطلع کیا کہ اس نزاع میں آپ کو حکم مانا گیا ہے تو آپ نے فرمایا:پہلے ایک چادر لے آؤ، چادر لائے جانے پر آپ نے اپنے دست مبارک سے حجر اسود کو اٹھا کر چادر پر رکھ دیا اور فرمایا:ہر قبیلے کا سردار چادر کا ایک ایک کونہ پکڑے اور سب مل کر چادر کو اوپر اٹھائیں، اس طریقے سے جب تمام قبیلے والوں نے مل کر حجر اسود کو اٹھایا اور اس مقام تک لے گئے جہاں اسے نصب ہونا تھا تو اللہ کے رسول صلی اللہ علیہ وسلم نے اسے اپنے دست مبارک سے اٹھا کر دیوار کے اوپر رکھ دیا پھر اس کے اوپر حسب معمول تعمیر کا کام شروع ہوگیا۔ (سیرت ابن ہشام:۱؍۱۹۲-۱۹۷) دیگر واقعات کی طرح اس واقعے سے بھی پتہ چلتا ہے کہ نبی کریم صلی اللہ علیہ وسلم کا سماج کے اندر بلند مقام ومرتبہ تھا، آپ ہردلعزیز اور معتبر شخصیت کے مالک تھے، اعلیٰ اخلاق، امانت ودیانت، صداقت وشرافت اور عدل وانصاف جیسے اخلاق حسنہ کی بدولت ہی آپ اس مقام ومرتبے پر فائز ہوئے تھے، یہی وجہ ہے کہ قریش کے متحارب گروہوں نے آپ کو دیکھتے ہی بے ساختہ آپ کی امانت وصداقت کا نعرہ بلند کرنا شروع کردیا اور آپ کی طرف سے کوئی فیصلہ صادر ہونے سے پہلے ہی اس فیصلے پر اپنی رضامندی اور اطمینان کا اعلان کرنے لگے، کیوں کہ وہ اچھی طرح سمجھتے تھے کہ محمد صلی اللہ علیہ وسلم اعلیٰ اخلاق کے مالک، غیر جانبدار اور لائق اعتبار ہیں، جھوٹ، بے ایمانی، جانبداری اور ان جیسی مذموم عادات سے وہ پاک وصاف
x
صفحہعنوان
6کچھ اس کتاب کے بارے میں
11نیکی کر دریا میں ڈال
17تقوی
23علم دین کی اہمیت
26حفظ قرآن مجید ایک زندہ جاوید معجزہ
32دفاع عن القرآن اہمیت اور طریق کار
47قرآن کریم کی معجزاتی تاثیر چند ایمان افروز مثالیں
56اتباع کتاب وسنت
64اور جنگ ٹل گئی
67حیات نبوی کے آخری ایام
72عہد نبوی کے ایک گستاخِ رسول کا انجام بد
77انہیں ہمارے حوالے کرو
83صحابہ کرام کا مقام ومرتبہ
90صحابۂ رسول عظمت کے چند پہلو
94عظمت حرم
98ماہ محرم اہمیت اور مسائل
103نماز میں خشوع وخضوع
108سنن ونوافل
113سنن ونوافل سے متعلق متفرق مسائل واحکام
117ماہ مبارک اور تراویح
122تہجد، قیام اللیل اور تراویح
130سجدۂ تلاوت اور اس کے احکام و مسائل
137زکاۃ کے مسائل
142دعا:فضائل اور آداب
148شب برات اور قبرستان کی زیارت
153عمل کم، ثواب زیادہ
157آداب مسجد
164مسجد والے(۱)
170مسجد والے(۲)
176کھانے پینے میں اعتدال
181سونے اور جاگنے کے احکام وآداب
187مشترکہ خاندانی نظام
193اصلاحی جد وجہد کے کچھ ضروری آداب
199اصلاح معاشرہ:کیوں اور کیسے؟
204سڑکوں پر منائے جانے والے تیوہار
208بیماریاں اور شرعی ہدایات
218تجارت اور کاروبار کے اسلامی اصول
229کمائی میں برکت اور روزی میں اضافہ کے چند دیگر اسباب
232مجبوری میں سب جائز؟
241پردہ، نقاب اور فیشن
245اسلام اور عورت کا تحفظ
251اولاد کی تعلیم وتربیت
259بات دوسروں کے حقوق کی
264دوسروں کی زمین پر قبضہ
269شخصی آزادی کا صحیح مفہوم
273غصہ اور اس کا علاج
280حسد:اسباب اور علاج
284خیر خواہی اور اس کی کچھ مثالیں
289عدل وانصاف
293فتنہ - تصویروں کا
297رشوت:ایک ناسور
302مدارس اور ملکی سا لمیت
Flag Counter