Maktaba Wahhabi

دروس و خطبات

مؤلف: اسعد اعظمی

سال شائع: 2011

274
معاف کردیتے ہیں اور اپنے غصہ کو دبا دیتے ہیں۔ نبی اکرم صلی اللہ علیہ وسلم نے بھی غصہ کی حالت میں اپنے نفس کو قابو میں رکھنے والے لوگوں کو ان الفاظ میں سراہا ہے: ’’لَیْسَ الشَّدِیْدُ بِالصُّرَعَۃِ، اِنَّمَا الشَّدِیْدُ الَّذِيْ یَمْلِکُ نَفْسَہٗ عِنْدَ الْغَضَبِ‘‘(بخاری ومسلم) بہادر یا پہلوان وہ نہیں ہے جو(دوسروں کو)ہمیشہ پچھاڑتا رہے، بلکہ بہادر در حقیقت وہ ہے جو غصے کے وقت اپنے نفس کو قابو میں رکھے۔ ایک حدیث کے الفاظ یوں ہیں: ’’لَیْسَ الشَّدِیْدُ مَنْ غَلَبَ النَّاسَ، وَلٰکِنَّ الشَّدِیْدَ مَنْ غَلَبَ نَفْسَہٗ‘‘(مسلم) طاقتور وہ نہیں ہے جو لوگوں پر غالب آجائے، بلکہ طاقتور وہ ہے جو اپنے نفس پر غالب آئے۔ حضرت ابو ہریرہ رضی اللہ عنہ سے روایت ہے کہ ایک مرتبہ ایک آدمی نے نبی اکرم صلی اللہ علیہ وسلم سے نصیحت کرنے کی درخواست کی۔آپ نے اس سے(صرف ایک جملہ)کہا:’’لَا تَغْضَبْ‘‘ ’’غصہ نہ کرو‘‘ اس نے کئی بار اپنا سوال دہرایا(کہ آپ مزید نصیحت کریں)مگر آپ نے وہی جواب دیا ’’غصہ نہ کرو‘‘(بخاری) چونکہ غصہ کرنے اور اس کے تقاضوں پر عمل کرنے میں بہت ساری خرابیاں ہیں لہٰذا جو شخص غصہ نہ کرے گا اور عفو ودرگذر کی راہ اختیار کرے گا وہ بہت ساری خرابیوں سے اپنے آپ کو محفوظ کرلے گا۔اسی لیے اللہ کے رسول صلی اللہ علیہ وسلم نے اس آدمی کے بار بار مزید نصیحت کا مطالبہ کرنے پر بھی یہی ایک نصیحت فرمائی جو درحقیقت بہت ساری نصیحتوں اور بھلائیوں کو اپنے اندر سمیٹے ہوئے ہے، اور یہ بھی ہوسکتا ہے کہ سائل کے مزاج میں تیزی اور غصہ زیادہ رہا ہواس لئے آپ نے اسے باربار غصہ نہ کرنے کی تلقین کی تاکہ اسے اپنی کمزوری کا احساس ہو اور وہ اس سے بچنے کی کوشش کرے۔ ایک حدیث میں غصہ پی جانے کا اجروثواب بیان کرتے ہوئے نبی اکرم صلی اللہ علیہ وسلم
x
صفحہعنوان
6کچھ اس کتاب کے بارے میں
11نیکی کر دریا میں ڈال
17تقوی
23علم دین کی اہمیت
26حفظ قرآن مجید ایک زندہ جاوید معجزہ
32دفاع عن القرآن اہمیت اور طریق کار
47قرآن کریم کی معجزاتی تاثیر چند ایمان افروز مثالیں
56اتباع کتاب وسنت
64اور جنگ ٹل گئی
67حیات نبوی کے آخری ایام
72عہد نبوی کے ایک گستاخِ رسول کا انجام بد
77انہیں ہمارے حوالے کرو
83صحابہ کرام کا مقام ومرتبہ
90صحابۂ رسول عظمت کے چند پہلو
94عظمت حرم
98ماہ محرم اہمیت اور مسائل
103نماز میں خشوع وخضوع
108سنن ونوافل
113سنن ونوافل سے متعلق متفرق مسائل واحکام
117ماہ مبارک اور تراویح
122تہجد، قیام اللیل اور تراویح
130سجدۂ تلاوت اور اس کے احکام و مسائل
137زکاۃ کے مسائل
142دعا:فضائل اور آداب
148شب برات اور قبرستان کی زیارت
153عمل کم، ثواب زیادہ
157آداب مسجد
164مسجد والے(۱)
170مسجد والے(۲)
176کھانے پینے میں اعتدال
181سونے اور جاگنے کے احکام وآداب
187مشترکہ خاندانی نظام
193اصلاحی جد وجہد کے کچھ ضروری آداب
199اصلاح معاشرہ:کیوں اور کیسے؟
204سڑکوں پر منائے جانے والے تیوہار
208بیماریاں اور شرعی ہدایات
218تجارت اور کاروبار کے اسلامی اصول
229کمائی میں برکت اور روزی میں اضافہ کے چند دیگر اسباب
232مجبوری میں سب جائز؟
241پردہ، نقاب اور فیشن
245اسلام اور عورت کا تحفظ
251اولاد کی تعلیم وتربیت
259بات دوسروں کے حقوق کی
264دوسروں کی زمین پر قبضہ
269شخصی آزادی کا صحیح مفہوم
273غصہ اور اس کا علاج
280حسد:اسباب اور علاج
284خیر خواہی اور اس کی کچھ مثالیں
289عدل وانصاف
293فتنہ - تصویروں کا
297رشوت:ایک ناسور
302مدارس اور ملکی سا لمیت
Flag Counter