Maktaba Wahhabi

عمل صالح کی پہچان

مؤلف: ابو عدنان محمد منیر قمر

ناشر: توحید پبلیکیشنز بنگلور انڈیا

سال شائع: 2004

100
یہاں ایک بات بطورِ خاص ذہن نشین رہے کہ شرعاً صرف وہ کام بدعت کہلاتا ہے جو : 1نبی ٔاکرم صلی اللہ علیہ وسلم کے عہدِ مبارک کے بعد نیا ایجاد کیا گیا ہو اور سنّتِ رسول صلی اللہ علیہ وسلم میں اس کی کوئی نظیر نہ ہو ۔ 2وہ کام دین میں داخل سمجھا جاتا ہو اور اسے باعثِ اجر و ثواب اور ذریعۂ تقرّب بھی مانا جائے ۔ البتہ وہ کام جو نیا تو ضرور ہے مگر جزوِدین شمار نہیں کیا جاتا، اُسے ’’بدعت‘‘ نہیں کہا جا ئے گا ۔ اس طرح مختلف قسم کی تمام مفید و مباح ایجادات بدعت کی تعریف سے خارج ہو جا تی ہیں جو اگرچہ عہدِ نبوّت کے بہت بعد وجود میں آئیں مگر انہیں کارِ ثواب ، باعثِ تقرّب الیٰ اللہ اور دین کا جزء تو کسی نے قرار نہیں دیا ، مثلاً بس ، کار ، موٹر سائیکل کی سواری کرنا، آذان و جماعت اور خطبہ کے لیٔے لاؤڈ اسپیکر کا استعمال ، روشنی کے لیٔے ٹیوب یا بلب کا استعمال ، عینک لگانا، گھڑی باندھنا وغیرہ امور بدعت کے ضمن میں نہیں آتے، بدعت صرف وہی کام ہو تا ہے جونیا بھی ہو اور جسے دین کا جزء یا باعثِ ثواب بھی سمجھا جائے۔ بدعت کی مذمت ؛ حدیثِ رسول صلی اللہ علیہ وسلم کی روشنی میں : ان بدعات کا وجود میں آنا در اصل تو طلبِ ثواب کے لیٔے ہی ہو تا ہے، مگر ہمارے سادہ دل بھائی یہ نہیں سمجھتے کہ اُن کے اس فعل سے انہیں ثواب تو کیاسخت گناہ ہوگا ۔ حقیقت یہ ہے کہ شیطانِ لعین نے ثوابِ دارین کا چکر دے کر کچھ لوگوں کو بدعات کی ترویج واشاعت پر لگا رکھا ہے اور حالات ہمارے سامنے ہیں کہ ان خرافات کا جال امبربیل کے تاروں کی طرح پھیلتا ہی جا رہا ہے اور جس طرح امبربیل درخت کو کھاجا تی ہے، ایسے ہی بدعات و خرافات کی دبیز تہوں میں سنّتِ رسول صلی اللہ علیہ وسلم بھی دھندلا رہی ہے۔ سوچنے کی بات تو یہ ہے کہ ہر وہ کام جس کا زمانہ ٔ رسالت میں بھی موقع آیا اور جس کے سر انجام دینے سے کوئی مجبوری مانع بھی نہ تھی، اس کے باوجود اس زمانۂ مسعود میں نہیں کیا گیا، اُسے آج کیا جا رہا ہو اور فخر یہ کیا جا رہا ہو تو ایسے کام میں خیر کہاں سے آئے گی؟ جبکہ دینِ مصطفی صلی اللہ علیہ وسلم سے اس کا کوئی
x
صفحہعنوان
6پیش گُفت
8عملِ صالح کی پہچان
8عملِ صالح کی شرطِ اوّلیں :صحتِ عقیدہ ( توحیدِباری تعالیٰ پر مکمل ایمان)
9توحیدِ باری تعالیٰ:
10اقسام ِ عبادات
101قولی عبادات :
142مالی عبادات :
153بدنی عبادات :
17سجدہ ایک عبادت؛ فاضل بریلوی کی نظر میں :
19اقسام ِتوحید (1توحیدِ اسماء وصفات ،2 توحیدِ ربوبیّت، 3 توحیدِ الوہیّت وعبادت)
191توحیدِ اسماء و صفات :
222توحیدِ ِ ربوبیّت :
243توحیدِ الوہیّت یا توحیدِ عبادت:
27انجام ِ شرک؛ قرآن کی روشنی میں :
29انجام و تردیدِ شِرک ؛ حدیثِ رسول صلی اللہ علیہ وسلم کی روشنی میں :
32تعلیماتِ شیخ جیلانی ؒ ؛ عقیدۂ توحید کے متعلق:
34حاجت روا اور مشکل کُشا کون ؟
36شرک اور اس کی سزا:
37بَد فالی یا بَد شگونی:
41تحفُّظِ عقیدہ کے لیٔے دُور رَس تدابیرِ نبوی صلی اللہ علیہ وسلم :
44غیرُ اللہ کی قسم کھانا:
47سِحر یعنی جادُو:
50جادُو کا اثر و وجود یا حقیقت :
52جادُو کی مذمّت و سزا:
55اقسام ِ سحر:
59جادُو شُدہ یا آسیب زدہ کا علاج :
61پہلی قسم :
61دوسری قسم :
62نجومیوں ،کاہنوں اور رمل وفال والوں کی کسی بات کا درست نکلنا محض اتفاق ہے:
64اُن کا جِنوں سے مدد لینا :
66اُن کا ایک سچ کے ساتھ سَو جھوٹ ملانا :
68علمِ نجوم و کہانت و رَمل ؛ شریعت کی نظر میں :
72عملِ صالح کی دوسری شرط : اخلاص لِلّٰہ یا عدمِ ریاء کاری
72اخلاص لِلّٰہ یا عدمِ ریاء کاری ؛ قرآن ِ کریم کی نظر میں :
74اخلاصِ عمل کی فضیلت و برکت ؛ حدیث ِرسول صلی اللہ علیہ وسلم کی روشنی میں :
77ریاء کاری کی مذمّت ٭قرآنِ کریم کی روشنی میں :
80ریاء کاری کی مذمّت ٭حدیثِ رسول صلی اللہ علیہ وسلم کی روشنی میں :
86عمل صالح کی تیسری شرط : مطابقت وموافقتِ سنّت
86اطاعتِ رسول صلی اللہ علیہ وسلم ٭قرآنِ کریم کی روشنی میں :
89سنّت و حُکمِ رسول صلی اللہ علیہ وسلم کی نافرمانی٭قرآن کی نظر میں :
92اتّباع رسول صلی اللہ علیہ وسلم ٭حدیث ِ رسول صلی اللہ علیہ وسلم کی روشنی میں :
96عبادات میں افراط و تفریط یا انتہاء پسند ی
98اقرارِ رسالت کے تقاضے او ربدعات
100بدعت کی مذمت ؛ حدیثِ رسول صلی اللہ علیہ وسلم کی روشنی میں :
104بدعات (شریعت سازی وایجاد بندہ) کا اجمالی تعارف
Flag Counter