|
اس شخص کا خاندان تم لوگوں میں کیسا ہے؟
میں نے کہا :’’وہ تو بڑے اونچے عالی نسب والے ہیں۔‘‘
کہنے لگا: ’’ اس سے پہلے بھی تم لوگوں میں سے کسی نے ایسی بات کہی تھی؟
میں نے کہا:’’ نہیں۔‘‘
کہنے لگا: ’’ اچھا اس کے بڑوں میں کوئی بادشاہ ہوا ہے؟
میں نے کہا:’’ نہیں۔‘‘
پھر اس نے کہا: ’’ بڑے لوگوں نے اس کی پیروی اختیار کی ہے یا کمزوروں نے؟
میں نے کہا :’’نہیں کمزوروں نے۔‘‘
پھر کہنے لگا: ’’اس کے تابعدار روز بڑھتے جاتے ہیں یا کوئی ساتھی پھر بھی جاتا ہے؟
میں نے کہا: نہیں۔[بلکہ روز بروز بڑھ رہے ہیں]
پوچھا:’’ کیا اس نے دعوائے نبوت سے پہلے کبھی کسی بھی موقعہ پر جھوٹ بولا ہے؟
میں نے کہا: نہیں۔ اب ہماری اس سے صلح کی ایک مقررہ مدت ٹھہری ہوئی ہے۔ معلوم نہیں وہ اس میں کیا کرنے والا ہے۔
ابوسفیان کہتے ہیں: میں اس بات کے سوا اور کوئی جھوٹ اس گفتگو میں شامل نہ کر سکا۔ ہرقل نے کہا :’’کیا تمہاری اس سے کبھی لڑائی بھی ہوتی ہے؟
ہم نے کہا کہ: ہاں۔
بولا پھر تمہاری اور اس کی جنگ کا کیا حال ہوتا ہے؟
میں نے کہا: لڑائی ڈول کی طرح ہے، کبھی وہ ہم سے میدان جنگ جیت لیتے ہیں اور کبھی ہم ان سے جیت لیتے ہیں۔
ہرقل نے پوچھا: ’’ وہ تمہیں کس بات کا حکم دیتا ہے؟
میں نے کہا :’’وہ کہتا ہے صرف ایک اللہ ہی کی عبادت کرو، اس کا کسی کو شریک نہ
|