Maktaba Wahhabi

ایمان میں زیادتی اور کمی کے اسباب

مؤلف: ڈاکٹر عبد الرزاق بن عبدالمحسن البدر

ناشر: دار المعرفہ

مترجم: الشیخ عبد الصمد ریالوی

عرضِ ناشر سلف صالحین ( صحابہ کرام،تابعین اور تبع تابعین ) کے اُصول عقیدہ میں سے ہے کہ دل سے پختہ تصدیق، زبان سے مکمل اقرار اور ارکان و جوارح ( اعضاء بدن) کے ساتھ مکمل عمل کا نام ایمان ہے کہ جو اللہ عزوجل اور اُس کے حبیب و خلیل نبی محمد رسول اللہ صلی اللہ علیہ وسلم کی مکمل اطاعت کے ساتھ بڑھتا ہے اور معصیت و نافرمانی کے ساتھ کم ہو تاہے۔ لغوی طور پر ایمان کا معنی کسی بات کی تصدیق اور خضوع و اقرار کا اظہار ہوتا ہے۔ جب کہ شرعاً ایمان کا مطلب تمام باطنی اور ظاہری اطاعات ہوتا ہے۔ چنانچہ باطنی اطاعتوں میں دلی افعال و اعمال ( اور مصمم ارادے) شامل ہوتے ہیں اور یہی دل کی تصدیق کہلاتے ہیں۔اور ظاہری اطاعتوں سے مراد بدن کے وہ افعال ہوتے ہیں کہ جو شریعت میں واجب اور مندوب ہوں۔ خلاصہ کلام یہ ہوا کہ ایمان وہ جوہر ہے جو دل میں ایک وقار رکھتا ہو اور عمل اس کی تصدیق کرے اور یہ کہ اللہ عزوجل کے احکام کی پیروی کرنے اور اس کے منع کردہ کاموں سے دُور رہنے کے نتیجہ میں ایمان کے ثمرات بالکل واضح ہو جائیں اور اگر علم ایمان، عمل سے متجرد ہو ( عملی طور پر اُس سے میل نہ کھائے) تو پھر اس میں کچھ فائدہ نہیں ہے۔ اگر مجرد علم، عمل سے ہٹ کر کسی کو فائدہ دیتا تو ابلیس کو اس سے ضرور فائدہ پہنچتا۔ وہ ملعون جانتا تھا کہ بلاشبہ اللہ عزوجل اپنی ذات و صفات اور اُلوہیت میں یکتا و تنہا ہے اس کا کوئی شریک نہیں۔اور بلاشبہ اس کے پلٹنے میں اُسے کوئی شک نہ تھا مگر جب اللہ تبارک و تعالیٰ کی طرف سے اُسے حکم صادر ہوا کہ آدم(علیہ السلام) کو سجدہ کرو تو اس نے انکار کر دیا اور تکبر سے کام لیا۔ چنانچہ اس کا شمار کافروں میں سے ہو گیا۔اور اللہ کی وحدانیت کا علم اس کی
x
صفحہعنوان
5عرضِ ناشر
7تقریظ
9مقدمہ
15پہلی بحث ایمان میں اضافہ کے اسباب
17پہلا سبب .....علم نافع کا حصول
32باب اوّل :
32قرآن کریم کی قراء ات اور اس میں غور و فکر
47دوسرا باب:
47اللہ تعالیٰ کے اسمائے حسنیٰ اور عظیم صفات کے ذریعے سے معرفت حاصل کرنا
57تیسرا باب:
57نبی کریم صلی اللہ علیہ وسلم کی سیرت میں غور و فکر
66چوتھا باب:
66دین اسلام کی خوبیوں میں غور و فکر کرنا
70پانچواں باب:
70امت مسلمہ کے سلف کی سیرت پڑھنا
73دوسرا سبب اللہ عزوجل کی آیاتِ کائناتی میں غور و فکر اور تدبر
83تیسرا سبب نیک اعمال میں محنت اور کوشش کرنا
91زبان کے اعمال:
95اعمالِ جوارح:
100اللہ کی طرف دعوت دینا:
102اہل خیر کی مجالس میں ہم نشینی کرنا:
105دوسری بحث ایمان میں کمی کے اسباب
107تمہید:
111باب اوّل:
111ایمان میں کمی کے داخلی اسباب
111پہلا سبب جہالت، یعنی علم کا نہ ہونا
117دوسرا سبب غفلت، اعراض اور نسیان
117غفلت :
119اللہ تعالیٰ کی آیات سے اعراض:
122تیسرا سبب نافرمانیوں اور گناہوں کا ارتکاب
125گناہوں کی اقسام
125۱۔ ملکیہ گناہ:
125۲۔ شیطانیہ گناہ:
125۳۔ سبعیہ گناہ:
125۴۔ بہیمیہ گناہ:
130چوتھا سبب نفس امارۃ بالسوء
136باب دوم :
136ایمان میں کمی کے خارجی اسباب
136پہلا سبب مسلمانوں کا دشمن شیطان
141دوسرا سبب دُنیا اور اس کے فتنے
146تیسرا سبب بُرے دوستوں کی محفل اور ساتھ
152خاتمہ
153ضمیمہ
153ایمان کی تعیین
Flag Counter