Maktaba Wahhabi

محدث شمارہ 356

مؤلف: حافظ عبد الرحمن مدنی

ناشر: مجلس التحقیق الاسلامی لاہور

سال شائع: جولائی 2012

رَسُولُ الله صلی اللہ علیہ وسلم : «الصِّيَامُ نِصْفُ الصَّبْرِ)) [1] ’’ ہر شے کی زکوٰۃ ہے اورجسم کی زکوٰۃ صوم ہے، اور فرمايا :روزہ نصف صبر ہے۔‘‘ 6. رمضان ماہِ عبادت ہے! ہم دیکھتے ہیں کہ اللہ احکم الحاکمین نےاس کائنات کو بنانے کے بعد اس کی نشوونما اور حیات کا سلسلہ جاری رکھا ہے۔ ذرا زمین پیاسی ہوئی، پتے زرد ہوئے، نباتات و جمادات بارانِ رحمت کے طلبگار ہوئے، انسان و حیوان پانی کو ترسےتو اللہ کی رحمت کو جوش آگیا۔ ہوائیں چلیں، بدلیاںسمٹ سمٹا کر آئیں، اکٹھی ہوئیں، بجلیاں چمکیں اور اللہ کے حکم سے زمین سیراب ہونے لگی۔ارشاد باری تعالیٰ ہے: ﴿وَهُوَ الَّذِيْ يُنَزِّلُ الْغَيْثَ مِنْۢ بَعْدِ مَا قَنَطُوْا وَ يَنْشُرُ رَحْمَتَهٗ1 وَ هُوَ الْوَلِيُّ الْحَمِيْدُ۰۰۲۸﴾[2] ’’وہی تو ہے جو بارش برساتا ہے، لوگوں کے مایوس ہوجانے کے بعد اور اپنی رحمتیں پھیلاتا ہے اور وہ ولی ہے، حمید ہے۔‘‘ وہ اللہ رب العزّت جو مادی حیات کا انتظام کرنے والے ہیں، وہ انسان کی روحانی حیات کا بھی بندوبست فرماتے ہیں۔ انسانیت جب اپنی ہی کوتاہیوں غلطیوں او رناعاقبت اندیشیوں کی بنا پر سسکنے لگتی ہے تو اللہ رحمٰن و رحیم کی رحمت جوش میں آتی ہے۔ گیارہ ماہ انسان دنیا داریاں کرکے اللہ سے دور بہت دورنکل جاتا ہے۔ گناہوں کی دلدل میں پھنس کر گویا روحانی طور پر قریب المرگ ہوجاتا ہے۔ فسق و فجور کی تپتی لو ایمان کے چمنستان کو خزاں رسیدہ کردیتی ہے۔ تو باری تعالیٰ رمضان المبارک کی صورت میں حیاتِ روحانی کا بندوبست کرتے ہیں۔ آپ صلی اللہ علیہ وسلم نے فرمایا: (( إذا دخل رمضانُ فتحت أبواب الجنّة وغلّقت أبواب جهنم وسُلسلت الشیاطین» وفي روایة «أبواب الرحمة)) [3] ’’جب رمضان آتا ہے تو جنت کے دروازے کھول دیئے جاتے ہیں او رجہنم
x
صفحہعنوان
2علومِ اسلامیہ کی معیاری تعلیم؛ وقت کی اہم ضرورت
9حصولِ علم اور فضائل اُمت ِمحمدی صلی اللہ علیہ وسلم
27رمضان المبارک کی عبادات
42صحیح مسلم کی ایک حدیث میں تحریف کا علمی جائزہ
56پندرہویں صدی اور شرک و جہالت کے اندھیرے
79محمد بن عبد الوہاب اور اُن کی تحریک کے عقائد
103روزہ و زکوٰۃ کے بارے اہم فتاویٰ
110مکاتیب و مراسلات
Flag Counter