دعا کے مسائل

اور مسلم نے روایت کیا ہے۔

مسئلہ نمبر 225 تیز آندھی اور طوفان وغیرہ کو دیکھ کر یہ دعا مانگنی چاہئے۔

عَنْ عَائِشَۃَ رَضِیَ اللّٰہُ عَنْہَا زَوْجِ النَّبِیِّ صلي اللّٰه عليه وسلم اَنَّہَا قَالَتْ : کَانَ رَسُوْلُ اللّٰه صلي اللّٰه عليه وسلم اِذَا عَصَفَتِ الرِّیْحُ قَالَ ] اَللّٰہُمَّ اِنِّیْ اَسْئَلُکَ خَیْرَہَا وَ خَیْرَ مَا فِیْہَا وَ خَیْرَ مَا اُرْسِلَتْ بِہٖ وَ اَعُوْذُبِکَ مِنْ شَرِّہَا وَ شَرِّ مَا فِیْہَا وَ شَرِّماَ اُرْسِلَتْ بِہٖ [ رَوَاہُ مُسْلِمٌ[1]

حضرت عائشہ رضی اللہ عنہا نبی اکرم صلی اللہ علیہ وسلم کی زوجہ محترمہ کہتی ہیں کہ تیز آندھی چلنے پر نبی اکرم صلی اللہ علیہ وسلم یہ دعا فرماتے((یا اللہ! میں تجھ سے اس آندھی کی بھلائی اور جو کچھ اس میں ہے اس کی بھلائی اور(جس)حکم کے ساتھ بھیجی گئی ہے اس کی بھلائی کا سوال کرتا ہوں اور اس آندھی کے شر سے اورجو کچھ اس میں ہے اس کے شر سے اور(حکم)کے ساتھ یہ بھیجی گئی ہے۔اس کے شر سے تیری پناہ مانگتا ہوں۔))اسے مسلم نے روایت کیا ہے۔

مسئلہ نمبر 226 نومسلم کو اسلام قبول کرنے کے بعد یہ دعا مانگنی چاہئے۔

عَنْ اَبِیْ مَالِکٍ نِ الْاَشْجَعِیُّ عَنْ اَبِیْہِ رضی اللّٰه عنہ قَالَ : کَانَ الرَّجُلُ اِذَا اَسْلَمَ عَلَّمَہُ النَّبِیُّ صلی اللّٰه علیہ وسلم اَلصَّلاَۃَ ثُمَّ اَمَرَہٗ اَنْ یَدْعُوَ بِہٰؤُلَآئِ الْکَلِمَاتِ ] اَللّٰہُمَّ اغْفِرْلِیْ وَارْحَمْنِیْ وَاہْدِنِیْ وَعَافِنِیْ وَارْزُقْنِیْ [ رَوَاہُ مُسْلِمٌ [2]

حضرت ابو مالک اشجعی اپنے والد رضی اللہ عنہ سے روایت کرتے ہیں کہ جب کوئی شخص اسلام قبول کرتا تو نبی صلی اللہ علیہ وسلم(پہلے)اسے نماز سکھاتے پھر اسے یہ دعا پڑھنے کا حکم فرماتے((یا اللہ! مجھے بخش دے‘ مجھ پر رحم فرما مجھے ہدایت دے عافیت عطا فرما اور رزق سے نواز۔))اسے مسلم نے روایت کیا ہے۔

مسئلہ نمبر 227 نیا کپڑا پہننے کی دعا یہ ہے۔

عَنْ اَبِیْ سَعِیْدِ نِ الْخُدْرِیِّ رضی اللّٰه عنہ قَالَ : کَانَ رَسُوْلُ اللّٰه صلي اللّٰه عليه وسلم اِذَا اسْتَجَدَّ ثَوْبًا سَمَّاہُ بِاِسْمِہٖ اِمَّا قَمِیْصًا اَوْ عِمَامَۃَ اَوْ رِدَائً ثُمَّ یَقُوْلُ((اَللّٰہُمَّ لَکَ الْحَمْدُ اَنْتَ کَسَوْتَنِیْہِ اَسْئَلُکَ خَیْرَہٗ وَ خَیْرَ مَا صُنِعَ لَہٗ وَ اَعُوْذُبِکَ مِنْ شَرِّہٖ وَ شَرِّ مَا صُنِعَ لَہٗ))