| المظلوم من الظالم ینتفی وجب الجمعۃ مع انھا من شعار الاسلام ونحن نقول قد وقع فی اقامۃ الحدود وانتصاف المظلوم من الظالم فی امارۃ بنی امیۃ بعد وفات معٰویۃ الا فی زمان عمر بن عبدالعزیز وفی امارۃ بعض العباسۃ ولم یترک الجمعۃ واحد من الصحابۃ والتابعین وتبعھم فعلم انھما لیسا بشرطین انتھٰی یعنی’’ان دونوں تعریفوں کو یہ بات رد کرتی ہے کہ صحابہ رضی الله عنہم اور تابعین رحمۃ اللہ علیہ یزید کے زمانہ میں نمازِ جمعہ ترک نہیں کیا۔ حالانکہ اس میں کوئی شبہ نہیں کہ یزید بالاتفاق نہایت ظالم تھا اس واسطے کہ اس نے حرمت اہلِ بیت کی ہتک کی اور اسی پر برابر مصر رہا۔ اور صحابہ اخیار رضی اللہ عنہم کی خون ریزی کے درپے ہمیشہ رہا۔ پھر ظالم اور مظلوم کے درمیان انصاف کرنا تو بہت ہی بعید ہے اور ابو یوسف رحمۃ اللہ علیہ سے ایک تفسیر یہ بھی مروی ہے کہ مصر وہ موضع ہے کہ جس میں اس قدر لوگ مقیم ہوں کہ وہاں کی اکبر مساجد میں ان کی گنجائش نہ ہو سکے۔ ہدایہ میں ہے کہ بلخی رحمۃ اللہ علیہ کے نزدیک یہی تعریف مختار ہے۔ اور اہلِ زمان اور ولاۃکے فساد کو دیکھ کر اسی تعریف پر اکثر مشائخ نے فتویٰ دیا ہے اس واسطے کہ اقامت حدود اور انتصاف الظالم من المظلوم کی شرط کرنے سے وجوبب جمعہ منتفی ہو جائے گا۔ حالانکہ جمعہ شعار اسلام سے ہے اور ہم کہتے ہیں کہ حضرت معاویہ رضی الله عنہ کے وفات کے بعد باستثنائے زمانہ عمر رضی الله عنہ بن عبد العزیز وبعض خلفائے عباسیہ کے امارت بنی امیہ میں اقامت حدود وانتصاف ظالم ومظلوم میںسستی واقع ہو گئی۔ مگر پھر بھی صحابہ رضی اللہ عنہم وتابعین رحمۃ اللہ علیہ وتبع تابعین رحمۃ اللہ علیہ سے کسی نے نمازِ جمعہ ترک نہیں کی۔ پس معلوم ہوا کہ اقامت حدود اور انتصاف الظالم من الظلوم صحتِ جمعہ کے واسطے شرط نہیں ہیں۔ دیکھومولانا نے ان دونوں تعریفوں کی تردید میں کیسی مدلل تقریر کی ہے۔ جب خود علمائِ حنفیہ نے ان دونوں تعریفوں کا غیر معتبر ہونا مدلل تقریروں سے ثابت کر دیا تو ہم کو |
| Book Name | مقالات محدث مبارکپوری |
| Writer | الشیخ عبدالرحمٰن مبارکپوری |
| Publisher | ادارہ علوم اثریہ |
| Publish Year | |
| Translator | |
| Volume | |
| Number of Pages | 277 |
| Introduction | مولانا محمد عبدالرحمٰن مبارکپوری شیخ الکل فی الکل میاں سید نذیر حسین محدث دہلوی کے چند مامور شاگردوں میں سے ایک ہیں ۔آپ اپنے وقت کےبہت بڑے محدث،مفسر، محقق، مدرس ، مفتی،ادیب اور نقاد تھے ۔ اللہ تعالیٰ نے انہیں علم کی غیر معمولی بصیرت وبصارت،نظر وفکرکی گہرائی ،تحقیق وتنقیح میں باریک بینی اور ژرف نگاہی عطاء فرمائی تھی ۔زہد وتقوی ،اخلاص وللّٰہیت،حسن عمل اور حسن اخلاق کے پیکر تھے۔یہ ایک حقیقت ہےکہ’’برصغیر پاک وہند میں علم حدیث‘‘ کی تاریخ تب تلک مکمل نہیں ہوتی جب تک اس میں مولانا عبدالرحمٰن محدث مبارکپوری کی خدمات اور ان کا تذکرہ نہ ہو۔جامع الترمذی کی شرح تحفۃ الاحوذی ان ہی کی تصنیف ہے۔ زیر تبصرہ کتاب’’مقالات محدث مبارکپوری ‘‘ مولانا محمد عبد الرحمٰن مبارکپوری کی نایاب تصانیف کا مجموعہ ہے ۔اس میں مولانامبارکپوری مرحوم کی آٹھ تصانیف کے علاوہ ان نادر مکتوبات اور شیخ الھلالی کا وہ قصیدہ جو انہوں نے حضرت مبارکپوری کےمحامد ومناقب میں لکھا شامل اشاعت ہے۔ |