Maktaba Wahhabi

مچھلی کے پیٹ میں

مؤلف: ابو حسان محمد منیر قمر

ناشر: مراکزدعوت وارشادالخیر الظہران الدمام

سال شائع: 2004

پھر میں نے سورت طور کی وہ آیت پڑھی جس میں ارشادِ الٰہی ہے: ﴿وَالَّذِیْنَ اٰمَنُوْا وَاتَّبَعَتْھُمْ ذُرِّیَّتُھُمْ بِاِِیْمَانٍ اَلْحَقْنَا بِھِمْ ذُرِّیَّتَھُمْ وَمَآ اَلَتْنٰھُمْ مِّنْ عَمَلِھِمْ مِّنْ شَیْئٍ کُلُّ امْرِیٍٔم بِمَا کَسَبَ رَھِیْنٌ﴾[الطور:۲۱] ’’اور جو لوگ ایمان لائے اور ان کی اولاد نے بھی ایمان میں ان کی پیروی کی، ہم ان کی اولاد کو ان تک پہنچا دیں گے اور ان کے عمل سے ہم کچھ کم نہ کریں گے، ہر شخص اپنے اپنے اعمال کا گروی ہے۔‘‘ سارہ کی ماں رونے لگی اور میں بھی رو پڑا۔ہم نے اس کی نمازِ جنازہ پڑھی۔اور اسے لے کر قبرستان کی طرف چل دیے۔میں اس کے جنازے کو دیکھ رہا تھا اور مجھے یوں لگ رہا تھا جیسے میں اس نور کو دیکھ رہا ہوں، جس نے میری زندگی کی راہیں روشن کر دی تھیں۔ہم قبرستان پہنچے جو انتہائی وحشت ناک اور بڑی ہی خوفناک جگہ ہے۔ اندر داخل ہو کر ہم قبر کی جگہ کی طرف چل دیے۔میں قبر کے کنارے پر کھڑا ہو گیا۔میں سوچ رہا تھا کہ یہاں میں اپنی بیٹی کو دفن کر جاؤں گا۔میری حالت کو بھانپتے ہوئے ابراہیم نے میرے کندھے پر ہاتھ رکھا اور کہا۔احمد! صبر وہمت سے کام لو۔اب میں خود قبر میں اتر گیا۔مجھے خیال آ رہا تھا کہ اے احمد! تیرا آخری ٹھکانا بھی تو یہی ہے۔جو آج بھی بن سکتا ہے۔ورنہ کل تمھارا ضرور ہو گا۔تم نے اس ٹھکانے کے لیے کیا تیاری کی ہے۔؟ مجھے ابراہیم کی آواز نے تصور کی دنیا سے نکالا: احمد! بچی کو پکڑو۔میں نے سفید کفن میں ملبوس اپنی ننھی لختِ جگر کو اپنے
x
صفحہعنوان
5تصدیر
8نابینا نے بینا کو راہ دکھلائی
21ایک تھا بادشاہ
26ایک داعی ڈانس کلب میں
32گمراہ بوڑھا
37سارہ بیٹی
49ایک تائب کی یاداشت
65مچھلی کے پیٹ میں
71بےشمار گناہ۔اور بے پایاں بخشش
73کوئی ماں اپنے بیٹے کو آگ میں پھینک سکتی ہے؟
76چند لمحات ہسپتال میں
85ایمان وعزیمت کے پہاڑ
91اللہ کی پناہ چاہتا ہوں
95جنت پا گئے
100ایک گلوکار کی توبہ
110قصہ ایک بطلِ اسلام کا
126گناہ کی چابی
131بارانِ رحمت کے نزول میں رکاوٹ
134جرأت مندانہ فیصلہ
143جنت میں اپنا مقام دیکھ لیا
147موت کی دہلیز پر
159تارکِ قرآن ہو کر
Flag Counter