Maktaba Wahhabi

فضائل صحابہ و اہل بیت رضی اللہ عنہم

مؤلف: ڈاکٹر حافظ محمد اسحاق زاہد

ناشر: مرکز دعوۃ الجالیات

سال شائع: 2007

کہ وہ اپنی بیویوں کو اختیار دیں تو آپ صلی اللہ علیہ وسلم نے مجھ سے ابتداء کی اور فرمایا:’’میں تم سے ایک بات کرنے لگا ہوں،تم اپنے والدین سے مشورہ کئے بغیر جلد بازی نہ کرنا۔‘‘ حالانکہ آپ صلی اللہ علیہ وسلم کو یہ معلوم تھا کہ میرے والدین مجھے آپ سے علیحدگی اختیار کرنے کا مشورہ قطعا نہ دیں گے۔ پھر آپ صلی اللہ علیہ وسلم نے یہ آیات پڑھ کر سنائیں،تو میں نے کہا:میں والدین سے کس بات کا مشورہ کروں؟ میں تو اللہ،اس کے رسول صلی اللہ علیہ وسلم اور دارِ آخرت کو ہی چاہتی ہوں۔ پھر آپ صلی اللہ علیہ وسلم کی تمام بیویوں نے وہی جواب دیا جو میں نے دیا تھا۔ [البخاری:۴۷۸۶،مسلم:۱۴۷۵] 4 اللہ تعالی نے ازواج مطہرات رضی اللّٰهُ عنہن کو دو گنا اجر دینے کا وعدہ فرمایا ہے: ﴿وَمَن یَّقْنُتْ مِنکُنَّ لِلّٰہِ وَرَسُولِہِ وَتَعْمَلْ صَالِحًا نُّؤْتِہَا أَجْرَہَا مَرَّتَیْْنِ وَأَعْتَدْنَا لَہَا رِزْقًا کَرِیْمًا﴾[الأحزاب:۳۱] ’’اور جو تم میں سے اللہ اور اُس کے رسول کی فرمانبردار رہے گی اور نیک عمل کرتی رہے گی اُس کو ہم دُگنا ثواب دیں گے اور اُس کیلئے ہم نے عزت کی روزی تیار کر رکھی ہے۔‘‘ 5 ازواج مطہرات رضی اللّٰهُ عنہن عام عورتوں کی طرح نہیں،بلکہ ان سے کہیں زیادہ
x
صفحہعنوان
7تمہید
10صحابی کسے کہتے ہیں؟
11صحابۂ کرام رضی اللہ عنہم کے فضائل قرآن مجید میں
22صحابۂ کرام رضی اللہ عنہم کے فضائل احادیثِ نبویہ میں
26خلفائے راشدین رضی اللہ عنہم کے فضائل
281 حضرت ابو بکر صدیق رضی اللہ عنہ کے فضائل
332 حضرت عمر بن خطاب رضی اللہ عنہ کے فضائل
373 حضرت عثمان بن عفان رضی اللہ عنہ کے فضائل
404 حضرت علی بن ابی طالب رضی اللہ عنہ کے فضائل
43فضائل اہل بیت رضی اللہ عنہم
48فضائل ازواج مطہرات( رضی اللّٰهُ عنہن )
53حضرت فاطمہ رضی اللہ عنہا کے فضائل
56حضرت حسن رضی اللہ عنہ اور حضرت حسین رضی اللہ عنہ کے فضائل
60اہلِ بیت رضی اللہ عنہم اور دیگر صحابۂ کرام رضی اللہ عنہم بالخصوص
67حضرت عائشہ رضی اللہ عنہا اور اہل بیت رضی اللہ عنہم کے مابین پیار ومحبت
70اہل بیت اور صحابۂ کرام رضی اللہ عنہم کے مابین رشتے
75انصارِ مدینہ کے فضائل
82اہلِ بدر کے فضائل
83اہلِ اُحد کے فضائل
84بیعت ِ رضوان میں شریک ہونے والے صحابۂ کرام رضی اللہ عنہم کے فضائل
87صحابۂ کرام رضی اللہ عنہم کے متعلق اہل السنۃ والجماعۃ کا عقیدہ
Flag Counter