Maktaba Wahhabi

تعزیہ داری علمائے امت کی نظر میں

مؤلف: حافظ اسعد اعظمی

ناشر: مکتبہ الفہیم مئوناتھ یوپی

سال شائع: 2011

۵۔ امام ابن ابی العز حنفی رحمہ اللہ فرماتے ہیں: اس سے بڑا گمراہ کون ہو گا جس کے دل میں ان چنندہ مومنین جو کہ انبیاء کے بعد اللہ تعالیٰ کے اولیاء کے سردار ہیں(یعنی صحابہ کرام)ان سے بغض ہو،یہود و نصاریٰ نے تو ان کو فضیلت دی تھی،چنانچہ یہود سے پوچھا گیا کہ تمہاری ملت کے سب سے بہترین لوگ کون تھے ؟انہوں نے کہا کہ موسیٰ علیہ السلام کے صحابہ،عیسائیوں سے پوچھا گیا کہ تمہاری ملت کے سب سے بہترین لوگ کون تھے ؟انہوں نے جواب دیا کہ عیسیٰ علیہ السلام کے صحابہ۔ اور جب روافض سے پوچھا گیا کہ تمہاری ملت کے سب سے بدتر کون لوگ ہیں ؟ تو انہوں نے کہا کہ محمد کے صحابہ۔اور ان میں سے تھوڑے لوگوں ہی کو الگ کیا۔حالانکہ ان میں سے جن کو یہ لوگ گالی دیتے ہیں ان میں بہت سے ایسے ہیں جو ان لوگوں سے کئی گنا بہتر اور افضل ہیں جنہیں ان لوگوں نے الگ کیا۔(شرح عقیدہ طحاویہ،ص:۴۶۹) ۶۔شیخ عبد القادر جیلانی رحمۃ اللہ علیہ غنیۃ الطالبین میں لکھتے ہیں:’’سارے اہل سنت اس بات پر متفق ہیں کہ صحابہ کرام کی جنگوں میں بحث سے باز رہا جائے اور انھیں برا کہنے سے پرہیز کیا جائے،ان کے فضائل اور ان کی خوبیاں ظاہر کی جائیں اور ان بزرگوں کامعاملہ رب کے سپرد کیا جائے،جیسے وہ اختلافات جو حضرت علی،حضرت طلحہ،حضرت زبیر،حضرت عائشہ اورحضرت معاویہ رضی اللہ عنہم میں واقع ہوئے۔‘‘ (غنیۃ الطالبین:۱؍۱۸۶،نفیس اکیڈمی،کراچی) مولانا احمد رضا خاں لکھتے ہیں: اللہ عزوجل نے سورہ حدید میں صحابہ کرام سید المرسلین صلی اللہ علیہ وسلم کی دو
x
صفحہعنوان
5تمہید
9ماہ محرم: اہمیت اور مسائل
14صحابہ کرام کا مقام و مرتبہ
14آیات کریمہ:
16احادیث نبویہ:
17اہل علم کے اقوال:
23تعزیہ داری کا آغاز
26تعزیہ داری اور متعلقہ رسم ورواج بریلوی علما کی نظر میں
27مولانا احمد رضا خان اور تعزیہ داری
30صدر الشریعہ مولانا امجد علی رضوی اعظمی
33مفتی جلال الدین احمد امجدی
33ایک فتویٰ مع تصدیقات علمائے اہل سنت
35مفتی جلال الدین احمد امجدی کا شکوہ:
37تعزیہ داری اور متعلقہ رسم و رواج علمائے دیوبند کی نظر میں
39مولانا ابو الحسنات عبد الحی لکھنوی
44مولانا اشرف علی تھانوی
49مولانا ظفر احمد تھانوی
52مولانا رشید احمد گنگوہی
55تعزیہ داری اور متعلقہ رسم ورواج علمائے اہل حدیث کی نظر میں
57مولانا سید نذیر حسین محدث دہلوی
64مولانا ثناء اللہ امرتسری
69تعزیہ داری اور متعلقہ رسم ورواج انصاف پسند شیعی نقطۂ نظر
71نہج البلاغہ سے چند اقتباسات
72شیعی عالم ڈاکٹر موسیٰ موسوی
Flag Counter