Maktaba Wahhabi

دنیا کا مسافر یا آخرت کا راہی(جدید ایڈیشن)

مؤلف: سعد حسن یوسفی ٹونکی

ناشر: شکیل الرحمن ہاشمی

سال شائع: 2011

زبان کا مزا ہو یا لباس کا دکھاوا ہو وہ دراصل مال نہیں وبال ہے مال نہیں خواہش کا جال ہے مال تو وہ ہے جو تو فنا کے لیے نہیں بقا کے لیے جوڑے۔وقتی فائدہ نہیں دائمی فائدہ اُس سے اٹھائے۔ اے دنیا کے مسافر دیکھ دنیا سے دنیا نہیں آخرت بنا تجھ کو دنیا میں رہنے کے لیے نہیں گزرنے کے لیے بھیجا ہے تو کھونے کے لیے نہیں بنانے کے لیے آیا ہے اس لیے عقل کا تقاضا ہے کہ تو اس راہ دنیا سے گزرنے کے بعد کی سوچے اور وہاں کی فکر وہاں نہیں یہیں سے کرے۔یہاں کی غفلت میں وہاں کی حسرت ہے یہاں کی بیداری میں ابدی سعادت ہے۔آج جو دنیا پر فریفتہ ہو وہ آخرت میں جاکر سخت حیران و سراسیمہ ہو اور اپنی نجات کی کوئی راہ نہ نکال سکا۔اس سے صاف کہہ دیا گیا: {ذٰلِکَ بِمَا قَدَّمَتْ یَدَاکَ وَاَنَّ اللّٰہَ لَیْسَ بِظَلَّامٍ لِّلْعَبِیْدِ}(الحج:۱۰) ’’یعنی یہ اس کی وجہ ہے جو آگے بھیج چکے ہیں تیرے دونوں ہاتھ اور اس لیے کہ اللہ بندوں پر ظلم نہیں کرتا۔‘‘ بس یہ تیرے کیے کو تک ہیں جو آج تیرے سامنے ہیں۔یہ تیرے خود ہاتھوں کے کرتوت ہیں جن کا مزا تو آج چکھ رہا ہے تو دنیا کی راہ گزر میں آج کا دھیان رکھتا۔راحت کا سامان مہیا کرتا تو راحت پاتا۔لیکن تو نے تو سارا راستہ غفلت میں کاٹا تو یہاں آکر سر پیٹا۔دنیا میں خوب بہکا تو یہاں آکر اس کا خمیازہ بھگتا۔اللہ تعالیٰ کسی پر ظلم نہیں کرتا جو جیسا کرتا ہے اس کو ویسا ہی بدلا دیتا ہے۔اچھے کو اچھا برے کو برا لیکن تو نے تو اپنے پاؤں میں آپ کلہاڑی ماری اور اپنی قسمت اپنے ہاتھوں پھوڑی۔ اے آخرت کے راہی اور سن مال کی تباہ کاری۔دنیا کا مال جس پر تو فدا ہے جس کے پیچھے تو نے دین گنوایا ہے آخرت کو بگاڑا ہے جانتا ہے وہ کیا کر دکھاتا ہے۔اس کے پیچھے جس قدر لگے گا اسی قدر وہ تجھ کو پکڑے گا۔تو جتنا مال چاہے جمع کرے جس قدر چاہے جوڑے تسلی کو ترسے گا تشفی نہ پائے گا۔آرزو اور بڑھے گی خواہش دو چند ہوگی تو گویا مال کے لیے ہیضہ
x
صفحہعنوان
5دنیا میں انسان کا وجود
6سفر دنیا کی منزلیں:
8منزل مقصود کی فکر:
10دنیا میں آخرت کا دھیان:
14انسان دنیا میں محض راہ گیر ہے:
17آخرت کچھ دور نہیں:
21آخرت کی ہولناکی:
27آخرت کی تیاری:
33دنیا کے مال کی حقیقت:
36دنیا سے لگاؤ:
38دنیا میں بیدار ہونے کا موقع:
42آخرت کے سنگین سوال پر انسان کی لاجوابی:
43دنیا دنیا ہی میں ساتھ چھوڑے گی:
46دنیا کس کے لیے ہے:
47دنیا اور دین کی فکر کی ایک ہی راہ:
50دین اور دنیا کی ایک ہی پکار:
Flag Counter