Maktaba Wahhabi

دنیا کا مسافر یا آخرت کا راہی(جدید ایڈیشن)

مؤلف: سعد حسن یوسفی ٹونکی

ناشر: شکیل الرحمن ہاشمی

سال شائع: 2011

عبد اللہ بن مسعود رضی اللہ عنہ کا کہنا ہے کہ ایک روز نبی اقدس صلی اللہ علیہ وسلم نے صحابہ سے سوال فرمایا:((اَیُّکُمْ مَالُ وَارِثِہٖ اَحَبُّ اِلَیْہِ مِنْ مَّالِہْٖ۔))(بخاری:۶۴۴۲)یعنی تم میں سے کوئی شخص ایسا ہے جس کو اپنے مال سے زیادہ وارث کا مال عزیز ہو عرض کیا گیا ہم میں سے کوئی ایسا نہیں جو اپنے مال سے زیادہ وارث کا مال پسند کرتا ہو تو آپ نے فرمایا:((فَاِنَّ مَالَہٗ مَا قَدَّمَ وَمَالَ وَارِثِہٖ مَا اَخَّرَ۔))کہ اس کا مال وہ ہے جو اس نے آگے بھیجا اور وارث کا مال وہ ہے جو اس نے اپنے مرنے کے بعد چھوڑا۔ مالداروں اور دولت پرستوں کے لیے کیا زرین نصیحت ہے۔یہ اپنی دولت کو سینہ سے لگائے رکھتے ہیں جان سے زیادہ عزیز جانتے ہیں اور اس میں سے اللہ کی راہ میں حبہ برابر صرف کرنا پسند نہیں کرتے کیا ان کو پتہ نہیں کہ سانس کا کچھ بھروسہ نہیں ابھی آیا اور ابھی رکا۔سانس نکلا اور مال غیروں کا ہوا ابھی اپنا تھا اور ابھی پرایا ہوا۔سالوں کی جمع کی ہوئی دولت اشاروں میں قبضہ سے نکلی۔دوسروں کے ہاتھوں میں پہنچی تو گویا جو ناسمجھ دولت جوڑ جوڑ کر رکھتا ہے۔پیسہ پیسہ پر نظر رکھتا ہے۔اپنا بھلا کرتا ہے حقداروں کا حق مارتا ہے۔خود مصیبت جھیلتا ہے۔مگر پیسہ پر آنچ نہیں آنے دیتا۔وہ در پردہ غیروں کے مال کو پسند کرتا ہے۔اس کا مال وہ ہے جو اللہ کی راہ میں صرف کرکے اپنی آخرت کے لیے ذخیرہ بناتا ہے۔یہاں کے لیے نہیں وہاں کے لیے جوڑتا ہے۔دنیا کو گزرگاہ جان کر آخرت کی منزل کی فکر رکھتا ہے اور وہیں کا سامان اکھٹا کرتا ہے۔اے مال کے رسیا ذرا مال کو اور قریب سے دیکھ اور اپنی نگاہ سے نہیں نبی اکرم صلی اللہ علیہ وسلم کی نگاہ سے دیکھ۔یہ مال جس پر تو اپنا خون گراتا ہے مرتے وقت سب سے پہلے یہی تجھ کو دغا دیتا ہے۔اِدھر تیرا دم نکلتا ہے اُدھر تیرا مال تیرے قبضہ سے نکلتا ہے سن فرمانِ نبوی صلی اللہ علیہ وسلم ہے: ((اَخِلَّائُ ابْنِ آدَمَ ثَلَاثَۃٌ وَاحِدٌ یَتَّبِعُہٗ اِلٰی قَبْضِ رُوْحِہٖ وَالثَّانِیْ اِلٰی قَبْرِہٖ وَالثَّالِثُ اِلٰی مَحْشَرِہٖ فَالَّذِیْ یَتَّبِعُہٗ اِلٰی قَبْضِ رُوْحِہٖ فَہُوَ مَالُہٗ وَالَّذِیْ یَتَّبِعُہٗ اِلٰی قَبْرٍ فَہُوَ اَہْلُہٗ وَالَّذِیْ یَتَّبِعُہٗ اِلٰی
x
صفحہعنوان
5دنیا میں انسان کا وجود
6سفر دنیا کی منزلیں:
8منزل مقصود کی فکر:
10دنیا میں آخرت کا دھیان:
14انسان دنیا میں محض راہ گیر ہے:
17آخرت کچھ دور نہیں:
21آخرت کی ہولناکی:
27آخرت کی تیاری:
33دنیا کے مال کی حقیقت:
36دنیا سے لگاؤ:
38دنیا میں بیدار ہونے کا موقع:
42آخرت کے سنگین سوال پر انسان کی لاجوابی:
43دنیا دنیا ہی میں ساتھ چھوڑے گی:
46دنیا کس کے لیے ہے:
47دنیا اور دین کی فکر کی ایک ہی راہ:
50دین اور دنیا کی ایک ہی پکار:
Flag Counter