Maktaba Wahhabi

دنیا کا مسافر یا آخرت کا راہی(جدید ایڈیشن)

مؤلف: سعد حسن یوسفی ٹونکی

ناشر: شکیل الرحمن ہاشمی

سال شائع: 2011

دنیا میں انسان کا وجود دنیا میں انسان کا وجود اس کی رفتار کا پہلا قدم ہے۔جب سے یہ دنیا میں آیا ہے اس کو ایک منٹ کے لیے قرار نہیں۔سکون سے یہ آشنا نہیں قرار کا یہ خوگر نہیں۔حرکت سے یہ زندہ ہے سکون سے یہ مردہ ہے۔وجود میں انسان کا آنا تھا کہ ایک مسافر کی طرح ایک رخ میں یہ چل پڑا۔اس کے آگے پیچھے کی دو طرفین قائم ہوگئیں۔دنیا اس کے پیچھے ہے آخرت اس کے آگے ہے۔لمحہ بہ لمحہ پیدائش سے دور تر موت و قبر سے قریب تر ہوتا جاتا ہے دنیا کو چھوڑتا جاتا ہے آخرت کی طرف بڑھتا جاتا ہے۔اس کے بدن کو سکون و قرار ملتا ہے مگر اس کی زندگی کو لمحہ کے لیے قرار نہیں۔یہ چلتا ہے تو وہ چلتی ہے یہ سوتا ہے تو وہ چلتی ہے۔غرض چلنے سے اُس کو کام ہے۔آگے بڑھنے سے اس کو سروکار ہے۔دنیا میں کوئی ایسا راہ گیر نہیں جو کبھی نہ ٹھہرتا ہو۔دنیا میں کوئی ایسا مسافر نہیں جو کبھی دم نہ لیتا ہو مگر انسان کی حیات وہ راہ گیر و مسافر ہے جو منزل مقصود موت ہی پر پہنچ کر سانس لیتی ہے۔دنیا کے سارے خطرات کو جھیلتی ہر مصیبت و آفت کی گود میں کھیلتی آگے ہی آگے بڑھتی جاتی ہے۔یہ بار بار ٹھہرنا نہیں جانتی اسی طرح یہ ایک بار ٹھہر کر پھر چلنا نہیں جانتی۔دنیا اس کی حرکت کا میدان ہے اور آخرت اس کے سکون ابدی کا مقام۔موت سے پہلے جو خطرہ اس کو پیش آئے جس محنت و مشقت سے اس کو سابقہ پڑے اس کی رفتار میں فرق نہیں آتا۔ہر وقت و مصیبت کو سرکرتی ہوئی ہر سنگ راہ سے ٹکراتی ہوئی آخرت کی طرف تیزی سے بڑھتی جاتی ہے۔اپنے خالق سے جلد ملنا چاہتی ہے۔ خالق دو جہان کا صاف ارشاد ہے: {يٰٓاأَيُّهَا الْاِِنسَانُ اِِنَّکَ کَادِحٌ اِِلٰی رَبِّکَ کَدْحًا فَمُلَاقِیہِ}(الانشقاق:۶)
x
صفحہعنوان
5دنیا میں انسان کا وجود
6سفر دنیا کی منزلیں:
8منزل مقصود کی فکر:
10دنیا میں آخرت کا دھیان:
14انسان دنیا میں محض راہ گیر ہے:
17آخرت کچھ دور نہیں:
21آخرت کی ہولناکی:
27آخرت کی تیاری:
33دنیا کے مال کی حقیقت:
36دنیا سے لگاؤ:
38دنیا میں بیدار ہونے کا موقع:
42آخرت کے سنگین سوال پر انسان کی لاجوابی:
43دنیا دنیا ہی میں ساتھ چھوڑے گی:
46دنیا کس کے لیے ہے:
47دنیا اور دین کی فکر کی ایک ہی راہ:
50دین اور دنیا کی ایک ہی پکار:
Flag Counter