عورتوں كےلیے صرف

ایسے بچے سے انکار کا حکم جو اپنے ماں باپ سے مشابہت نہیں رکھتا:

سوال:ایک سائل کہتا ہے کہ میری بیوی نے ایسا بچہ جنم دیا ہے جو نہ مجھ سے مشابہت رکھتا ہے اور نہ اس سے ،یہ چیز مجھے غیض وغضب دلاتی ہے۔

جواب:اس طرح کا واقعہ نبی صلی اللہ علیہ وسلم کے دور میں بھی پیش آیا تھا۔صحیح بخاری اور صحیح مسلم میں ابو ہریرہ رضی اللہ عنہ سے مروی ہے کہ بنو فزارہ کا ایک آدمی رسول اللہ صلی اللہ علیہ وسلم کے پاس آیا اور عرض کی:اے اللہ کے رسول صلی اللہ علیہ وسلم !میری بیوی نے سیاہ رنگ کا بچہ جنم دیا ہے۔وہ اس بات کے ساتھ عورت پر تنقید کررہا تھا کہ جب والدین سفید رنگ کے ہوں تو بچہ سیاہ کیسے ہو سکتا ہے تو رسول اللہ صلی اللہ علیہ وسلم نے فرمایا: هل لك من إبل ؟"کیا تیرے پاس اونٹ ہیں؟"اس آدمی نے کہا:جی ہاں!آپ صلی اللہ علیہ وسلم نے پوچھا: " فَمَا أَلْوَانُهَا ؟ " "ان کے رنگ کیا ہیں؟اس نے جواب دیا: سرخ رنگ کے ہیں۔ آپ صلی اللہ علیہ وسلم نے پھر دریافت کیا:هل فيها من أورق ؟کیا ان میں کچھ نیلے رنگ کے اونٹ بھی ہیں ؟"اس نےکہا:جی ہاں !آپ صلی اللہ علیہ وسلم فرمایا: (( كيف اتاها ذلك؟)) "وہ ان میں کہاں سے آگئے؟"اس نے کہا:شاید انھوں نے(اوپر سے) کوئی رگ کھینچ لی ہو تو نبی صلی اللہ علیہ وسلم نے فرمایا: (فهذا عسي ان يكون نزعه ) " اس کو بھی شاید کسی رگ نے کھینچ لیا ہو۔‘‘

رسول اللہ صلی اللہ علیہ وسلم نے اس کو بچے سے انکار کرنے کی اجازت نہ دی۔میں بھی سوال کرنے والے بھائی کو نصیحت کرتا ہوں کہ وہ اس طرح کے شک کی طرف توجہ نہ دے کیونکہ ہوسکتا ہے کہ اس کو کسی رگ نے کھینچ لیا ہو۔(محمد بن عبدالمقصود)

باپ کی پروردہ سے شادی کرنے کا حکم:

سوال:میرے با پ نے ایک ایسی عورت سے شادی کی جس کے ساتھ ایک بچی ہے جو اس عورت کا دودھ پیتی ہے، پھر اس نے میرے باپ سے شادی کرنے کے بعد اس