منہاج المسلم تمام شعبہ ہائے زندگی سے متعلق قرآن وسنت کی تعلیمات

لیے کہ رسول اللہ صلی اللہ علیہ وسلم کا فرمان ہے:’لَا یُبَاعُ فَضْلُ الْمَائِ لِیُبَاعَ بِہِ الْکَلَأُ‘

’’زائد پانی کو فروخت نہ کیا جائے تاکہ اس کے ذریعے سے(آس پاس کی)گھاس فروخت کی جائے۔‘‘[1] اور فرمایا:’لَا یُمْنَعُ فَضْلُ الْمَائِ لِیُمْنَعَ بِہِ الْکَلَأُ‘

’’ضرورت سے زائد پانی کو نہ روکا جائے تا کہ اس کے ذریعے(جانوروں کا)چارہ روکا جائے۔‘‘[2]

٭ ضرورت سے زائد پانی کے احکام:

1: ضرورت سے زائد پانی کسی دوسرے کو دینا اسی وقت متعین ہو گا جب پانی کا مالک اس سے مستغنی ہو،یعنی اس کی ضرورت سے زائد ہو۔

2: اور جسے دیا جا رہا ہے وہ ضرورت مند ہے۔

3: اور اس کے مالک کو کسی بھی انداز میں نقصان نہیں ہو رہا۔

زمین کی الاٹمنٹ:

زمین کی الاٹمنٹ کا مطلب یہ ہے کہ غیر مملوکہ زمین میں سے حاکم وقت کسی کو کھیت کاشت کرنے یا باغ لگانے یا عمارت بنانے یا آمدنی حاصل کرنے یا اسے اس کا مالک بنا کر قطعۂ زمین دے۔

زمین کی الاٹمنٹ کا حکم:

کسی کو رقبہ الاٹ کرنا صرف بادشاہ وقت کا کام ہے۔اس لیے کہ نبیٔ کریم صلی اللہ علیہ وسلم نے اور اسی طرح ابوبکر و عمر رضی اللہ عنہما نے آپ کے بعد جاگیر کے طور پر رقبے دیے تھے۔

٭ زمین کی الاٹمنٹ کے احکام:

1: امام کے علاوہ دوسرا کوئی نہیں دے سکتا،اس لیے کہ یہ املاک عامہ ہیں،لہٰذا اس کے علاوہ دوسرا کوئی بھی تصرف نہیں کر سکتا۔

2: اور اتنا رقبہ دینا چاہیے جتنا وہ آباد کر سکے اور تعمیر کر سکے۔

3: امام نے کسی کو آباد کاری کے لیے رقبہ دیا مگر وہ اسے آباد نہیں کر سکا تو مصلحت عامہ کے مفاد میں امام اسے واپس لے لے۔