دعوت دین کہاں دی جائے؟

لیے)چیخ و پکار اور اونٹوں کی مار دھاڑ کی آواز سنی، تو ان کی طرف اپنی چھڑی سے اشارہ کیا اور فرمایا:

’’اے لوگو! آرام اور سکون(سے چلنے)کو لازم کرو۔ بے شک تیز چلنا نیکی(تو)نہیں۔‘‘

اس حدیث سے یہ بات واضح ہے، کہ آنحضرت نے عرفات سے مزدلفہ واپسی کے دوران لوگوں کو اطمینان و سکون سے چلنے کی تلقین فرمائی۔

امام بخاری نے اس پر حسب ذیل عنوان قلم بند کیا ہے:

[بَابُ أَمْرِ النَّبِيِّ صلي اللّٰهُ عليه وسلم بِالسَّکِیْنۃِ عِنْدَ الَإِفَاضَۃِ] [1]

[(عرفات سے)پلٹتے وقت نبی کریم صلی اللہ علیہ وسلم کا اطمینان و سکون سے(چلنے)کا حکم دینے کے متعلق باب]

ج:منیٰ میں یوم النحر [2] کو خطبہ:

امام بخاری نے حضرت ابن عباس رضی اللہ عنہما سے روایت نقل کی ہے، کہ:

’’أَنَّ رَسُولَ اللّٰهِ صلي اللّٰهُ عليه وسلم خَطَبَ النَّاسَ یَوْمَ النَّحْرِ، فَقَالَ:

یَا أَیُّہَا النَّاسُ! أَیُّ یَوْمٍ ہَذَا؟‘‘

’’بے شک رسول اللہ صلی اللہ علیہ وسلم نے یوم النحر کو لوگوں کو خطبہ دیا۔ آنحضرت صلی اللہ علیہ وسلم نے فرمایا:’’یَا أَیُّہَا النَّاسُ! أَیُّ یَوْمٍ ہَذَا؟‘‘

’’اے لوگو! یہ کون سا دین ہے؟‘‘

قَالُوا:’’یَوْمٌ حَرَامٌ۔‘‘

’’انہوں نے عرض کیا:’’(یہ)حرمت کا دن(ہے)۔‘‘