لا تیأسوا من روح اللّہ

تقویٰ کا آسانی کا سبب ہونے کی دلیل:

ارشادِ باری تعالیٰ:

{وَمَنْ یَّتَّقِ اللّٰہَ یَجْعَلْ لَہٗ مِنْ اَمْرِہِ یُسْرًا}[1]

[اور جو شخص اللہ تعالیٰ کا تقویٰ اختیار کرے گا (،تو) اللہ تعالیٰ اس کے (ہر) کام میں عظیم آسانی فرما دیں گے]۔

آیت کی تفسیر:

حافظ ابن جوزی رقم طراز ہیں:

’’یُسَہِّلُ عَلَیْہِ أَمْرَ الدُّنْیَا وَ الْآخِرَۃِ۔‘‘[2]

[وہ (یعنی اللہ تعالیٰ) اُس کے لیے دنیا و آخرت کا معاملہ سہل فرما دیں گے]۔

تنبیہ:

تقویٰ کی بنا پر ملنے والی (یُسْرًا) [آسانی] کو اللہ تعالیٰ نے اسم نکرہ، [یعنی تنوین (دو زبروں) کے ساتھ] ذکر فرمایا ہے اور یہاں تنوین اس آسانی کی ضخامت اور بہت بڑے ہونے پر دلالت کرتی ہے۔ وَ اللّٰہُ تَعَالٰی أَعْلَمُ۔

تقویٰ کے دیگر گیارہ دنیوی فوائد:

تقویٰ کی بدولت …رب کریم کے فضل و کرم سے… دنیا میں حاصل ہونے والے دیگر فوائد میں سے گیارہ درجِ ذیل ہیں:

i: اللہ تعالیٰ کا دوست بننا

ii: اللہ تعالیٰ کا محبوب بننا

iii: اللہ تعالیٰ کا ساتھ ہونا