ارکان اسلام سے متعلق اہم فتاوے

اگر کسی نے سونے اور چاندی کے برتن بنوابھی لیے تو اس کو ان کی زکاۃ دینی ہو گی ساتھ ہی اللہ عزوجل سے توبہ کرنی ہو گی اور ان برتنوں کو زیورات یا اسی جیسی چیزوں سے بدلنا ہوگا جو برتن کے مشابہ نہ ہوں۔

سوال نمبر15: بعض کسان زراعت میں صرف بارش کے پانی پر اکتفا کرتے ہیں تو کیا اس پیداوار میں زکاۃ ہے؟ اور کیا اس کا حکم اس پیداوار سے مختلف ہو گا جسے پانی کی مشین اور موٹر کے ذریعہ سینچا گیا ہو؟

جواب: جو غلے یا پھل مثلاً کھجور،کشمش،گیہوں اور جو وغیرہ،بارش کے پانی سے یا نہروں سے یا بہتے چشموں سے سینچائی کر کے پیدا کئے گئے ہوں ان میں دسواں حصہ زکاۃ ہے اور جو پانی کی مشین وغیرہ کے ذریعہ سینچ کر پیدا کئے گئے ہوں ان میں بیسواں حصہ کیونکہ صلی اللہ علیہ وسلم کی حدیث ہے آپ نے فرمایا:

"جس کو آسمان نے سیراب کیا ہو اس میں دسواں حصہ زکاۃ ہے اور جس کو آلات کے ذریعہ سینچا گیا ہو اس میں بیسواں حصہ "(صحیح بخاری بروایت ابن عمر رضی اللہ تعالیٰ عنہ)

سوال نمبر16: بعض مزرعوں میں کئی طرح کے میوے اور زسبزیاں پیدا ہوتی ہیں کیا ان میں زکاۃ ہے ؟ اور وہ کون کون سی پیداوار ہیں جن میں زکاۃ واجب ہوتی ہے؟