|
۴- عَجوہ یا مدینہ منورہ یا کہیں کی بھی کھجور کے سات دانے صبح نہار منہ مریض کو کھلائیں ۔[1]
۵- مریض کو روئے زمین کا سب سے افضل و اشرف اور مبارک پانی ’’زمزم ‘‘ پلائیں جو ایک ارشادِ نبوی صلی اللہ علیہ وسلم کی رو سے غذاء ([2])اور ایک حدیث کی رو سے باعثِ شفاء بھی ہے۔([3]) علّامہ ابن قیم ؒنے زاد المعاد میں اسکے بڑے فوائد ذکر کیٔے ہیں ۔[4]
۶- قرآن کریم کی روسے بارش کا پانی بھی بڑا باعثِ برکت ہے۔[5]
لہٰذا مریض کو بارش کا پانی پلانا بھی مفیدِ مطلب ہے ۔
۷- غسل کرنا اور کم از کم ہر جمعہ کو ۔ ([6]) اور ہر وقت صفائی ستھرائی رکھنا اور ایک حدیث کی رُو سے خوشبو لگانا نبی صلی اللہ علیہ وسلم کا پسندیدہ عمل ہے۔([7]) فرشتے خوشبو پسند کرتے ہیں اور جِنّ و شیاطین اس سے دور بھاگتے ہیں ۔ ([8])لہٰذا خوشبو سے استفادہ کیا جائے ۔
غرض روحانی (کتاب و سنّت کی دعائیں ) اور مادی و طبّی ہر طرح کا علاج کیا جائے ۔
سادساً : صدقہ و خیرات سے علاج :
صدقہ و خیرات کرنا بھی ردّ ِبلاء کا ذریعہ ا ور باعثِ شفاء ہے اور ایک صحیح حدیث کی رو سے نبی صلی اللہ علیہ وسلم نے توصدقے کے ذریعے علاج کرنے کا حکم فرمایا ہے۔[9]
|