Maktaba Wahhabi

رمضان المبارک احکام و مسائل

مؤلف: پروفیسر نجیب الرحمٰن کیلانی

ناشر: مدرسۃ تدریس القرآن والحدیث ، لاہور

ماہ رمضان اور توبہ ارشاد باری تعالیٰ ہے: ﴿ وَاِذَا سَاَلَكَ عِبَادِيْ عَنِّىْ فَاِنِّىْ قَرِيْبٌ ۭ اُجِيْبُ دَعْوَةَ الدَّاعِ اِذَا دَعَانِ ۙفَلْيَسْتَجِيْبُوْا لِيْ وَلْيُؤْمِنُوْابِيْ لَعَلَّهُمْ يَرْشُدُوْنَ ١٨٦؁﴾ (البقرة:۱۸۶) ’’اور جب میرے بندے آپ صلی اللہ علیہ وسلم سے میرے متعلق پوچھیں تو انھیں کہہ دیجیے کہ میں ان کے قریب ہی ہوں۔ جب کوئی دعا کرنے والا مجھے پکارتا ہے تو میں اس کی دُعا قبول کرتا ہوں۔ لہٰذا انھیں چاہیے کہ میرے احکام بجا لائیں اور مجھ پر یقین رکھیں۔ اس طرح توقع ہے کہ وہ ہدایت پا جائیں گے‘‘۔ یہ آیت اللہ تعالیٰ نے ماہ رمضان کے مسائل و احکام کے درمیان میں رکھی۔ اس بات سے یہ معلوم ہوتا ہے کہ توبہ کا بھی رمضان سے خصوصی تعلق ہے۔ رسول اکرم صلی اللہ علیہ وسلم سے لوگوں نے پوچھا کہ ہمارا رب دور ہے تو ہم اسے اونچی آواز سے پکاریں۔ نزدیک ہے تو آہستہ پکاریں۔ اس کے جواب میں اللہ نے فرمایا کہ میں تمھارے بالکل قریب ہوں۔ حتیٰ کہ تمھاری رگ جان سے بھی زیادہ قریب۔ ساتھ یہ بھی فرما دیا کہ جو مجھے پکارتا ہے۔ میں اس کی پکار کو سنتا ہی نہیں بلکہ شرف قبولیت بھی بخشتا ہوں۔ دوسری وضاحت یہ کر دی کہ بندے میرا حکم بجا لائیں۔ مجھی سے مانگیں، دوسروں سے نہ مانگیں۔ کیونکہ پکار یا دُعا ہی اصل عبادت ہے۔ واضح رہے کہ دعا کی قبولیت کے کچھ آداب ہیں۔ سب سے اہم بات یہ کہ حرام خور کی دُعا قبول نہیں ہوتی۔ صرف دُعا ہی نہیں اس کی نماز، روزہ، عمرہ، حج، صدقہ خیرات کوئی بھی عبادت قبول نہیں ہے۔ اللہ تعالیٰ کی طرف سے تو ہر رات کے پچھلے حصہ میں منادی کی جاتی ہے کہ کوئی رزق مانگنے والا، بخشش مانگنے والا، صحت و تندرستی مانگنے والا ہے تو آئے اور مجھ سے طلب کرے ۔ اللہ تعالیٰ عطا کرنے کے لیے ندا کرتے ہیں۔ یہ ہماری بد قسمتی ہے کہ اللہ تعالیٰ کی عطا کی کچھ قدر و قیمت نہیں جانتے۔ ارشاد باری تعالیٰ ہے: ﴿اِنَّ اللّٰهَ يُحِبُّ التَّـوَّابِيْنَ وَيُحِبُّ الْمُتَطَهِّرِيْنَ ٢٢٢؁﴾ (البقرة : ۲۲۲)
x
صفحہعنوان
4پیشِ لفظ
6روزے کی فرضیت
11استقبالی روزہ:
11فرضی روزہ کی فضیلت:
13چاند دیکھنے کا بیان:
15روزے کی نیت:
18روزے میں جائز امور:
19نواقض روزہ:
22بیمار کا روزہ:
23حاملہ اور دودھ پلانے والی عورت:
26رمضان اور قرآن:
30رکعات تراویح:
33دعائے قنوت:
34اعتکاف:
37نماز تسبیح:
39لیلۃ القدر کی علامات:
39لیلۃ القدر کی دعا:
41محرم کے روزے:
42شعبان کے روزے:
43شوال کے روزے:
43ذوالحجہ کے دس دن:
44سوموار اور جمعرات کا روزہ:
45ایام بیض کے روزے:
46وصال کے روزے:
49تکبیرات کے الفاظ:
54زکوٰۃ کا نصاب:
55زکوٰۃ کے مصارف:
56زکوٰۃ کس کو نہیں دی جا سکتی؟
56زکوٰۃ نہ ادا کرنے والوں کا حکم:
57زکوٰۃ کی حکمت:
61رمضان المبارک اور عمرہ:
61عید کارڈ:
Flag Counter