|
صوفیوں کی طرف سے لوگوں کو جنت کے پروانے اور اللہ تعالیٰ کی طرف سے ان کی تائید
مالک بن دینار نے ایک نوجوان کو ایک لاکھ درہم کے عوض جنت میں ایک محل ملنے کا اقرار نامہ لکھ کر دیا وہ نوجوان چالیس روز بعد مرگیا اس کی وصیت کے مطابق وہ اقرار نامہ اس کے کفن میں رکھ دیا گیا اگلے روز اقرار نامہ مالک کے سامنے پڑا تھاجس کی پشت پر لکھا تھا یہ اللہ جل شانہ کی طرف سے مالک بن دینار کی برا ٔت ہے جس مکا ن کاتم نے اس نوجوان سے وعدہ کیا تھا وہ ہم نے اس کو دے دیا ہے اور اس سے ستر گناہ زیادہ دے دیا۔(فضائل صدقات فصل ۷ ملخص واقعہ ۵۷)۔
یہ ہیں صوفیوں کی مجنونانہ اور احمقانہ باتیں اللہ تعالیٰ کی طرف سے صوفی،لوگوں کو جنت کا پروانہ دے رہا ہے ایسی بات کوئی احمق ہی کرسکتا ہے اور اس سے بڑھ کر اسکا یہ دعویٰ کہ اللہ تعالیٰ نے میرے پروانے یافتہ کو میرا لکھا دیکر اس کی اطلاع بھی مجھ تک پہنچا دی ہے۔رسول اللہ صلی اللہ علیہ وسلم اپنے صحابہ کو بعض اعمال پر جنت کی پیشنگوئیاں کیا کرتے تھے مگر یہ کبھی نہیں ہوا کہ رسول اللہ صلی اللہ علیہ وسلم کی طرف اللہ کی طرف سے لکھا ہوا خط آیا ہو کہ ہم نے تمہارے فلاں امتی کو یہ چیز دے دی ہے اور رسول اللہ صلی اللہ علیہ وسلم نے کسی امتی کو کوئی لیٹر بھی نہیں بناکردیا ہے مگر اس صوفی ملحد کی ڈھٹائی دیکھئے کہ اللہ تعالیٰ سے پوچھے بغیر اس کی جنت کو تقسیم کرتا پھرتا ہے اس لئے یہ بات یقینی ہے کہ یہ احمقوں کی جنت ہوگی وہ جس کو چاہیں دیں کسی کو بھلا کیا اعتراض ہو
|