|
خودکشی کرنے والے اس ملحد جس نے نہ احرام باندھا بلکہ ننگا رہا نہ لبیک کہا اور حرام موت مرا یہ کفر والحاد کی بڑہانکی کہ اگر اللہ تعالیٰ کی ذات کا یہ لوگ طواف کرتے تو بیت اللہ سے بے نیاز ہوجاتے اور دعویٰ کیا کہ اس کو شہداء بدر سے بھی اونچا درجہ ملا ہے اس قسم کی بکواس وہی شخص کرسکتا ہے جو عقل سے فارغ ہوکر پاگل و دیوانہ ہو چکا ہو کہاں رسول اللہ صلی اللہ علیہ وسلم کے ساتھ صحابہ رضی اللہ عنہ کا جہاد اور وہ بھی غزوہ ٔبدر اور کہاں حرام موت مرنے والا یہ صوفی ملحد۔ممکن ہے اس حرام موت مرنے والے صوفی کی شکل میں آکر شیطان نے اس خواب دیکھنے والے کو گمراہ کیا ہو اور یہ سب بکواس اس نے کی ہو۔
مسجدوں کے بجائے قبروں اور مزاروں پر چلّے
تبلیغی جماعت کے بارے میں مشہور ہے کہ وہ مسجد وں میں چلّے کھینچتی ہے لیکن مسجدوں کے چلّے اتنے بابرکت نہیں جتنا کہ قبروں اور مزاروں کے چلّے بابرکت ہیں اس کے ثبوت کے لئے یہ حکایت پیش خدمت ہے۔
حاتم اصم بلخی جو مشہور صوفیاء میں سے ہیں کہتے ہیں کہ تیس برس تک ایک قبر میں انھوں نے یہ چلّہ کیا تھا کہ بے ضرورت کسی سے بات نہیں کی،جب حضور اقدس صلی اللہ علیہ وسلم کی قبر اطہر پر حاضر ہوئے تو اتنا ہی عرض کیا تھا کہ اے اللہ ہم لوگ تیرے نبیؐ کی قبر کی زیارت کو حاضر ہوئے ہیں تو ہمیں نا مراد واپس نہ کیجئیو،غیب سے آواز آئی کہ ہم نے تمہیں اپنے نبی صلی اللہ علیہ وسلم کی قبر کی زیارت نصیب ہی اس لئے کی ہے کہ اس کو قبول فرمائیں۔جاؤ ہم نے تمہارے اور تمہارے ساتھ جتنے حاضر ہیں سب کی مغفرت کردی۔(فضائل حج،فصل زائرین کے واقعات،واقعہ۴)۔
|